Ég fæ mjög oft spurninguna um hvernig sé best að gera matarkörfuna lífrænni og án auk-og eiturefna. Lykillinn er að byrja í skrefum.

Hvaða matvöru ertu alltaf að versla inn fyrir heimilið? er það mjólk? hafraflögur? epli? grænmeti? ólífuolía? morgunkorn?

Mjög gott ráð er að prófa í næstu verslunarferð að velja lífræna grunnvöru til að prófa sig áfram. Allar þessar ofangreindar vörur ásamt hundruð annarra fást lífrænt rækaðar. Með þessu ertu að hefja þín fyrstu skref í átt að lífrænni lífsstíl og takmarka inntöku þína á óæskilegum aukefnum sem kroppurinn mun þakka þér kærlega fyrir.

Það vita flestir að börn eru sérstaklega viðkvæm fyrir óæskilegum aukefnum svo að mínu mati er mikilvægast að reyna takmarka inntöku þeirra á þeim frá byrjun. Lífrænn barnamatur fæst í úrvali, bæði lífrænt vottaður og Demeter vottaður (Holle). Demeter vottun er sú allra strangasta og flottasta lífræna vottun sem matvara getur fengið, ég mæli með að þú veljir slíkt ef það er í boði.

Prófaðu að lesa aftan á umbúðirnar! Hvort sem það er á hefðbundinni vöru eða lífrænt ræktaðri vöru. Settu þig í samband við það sem þú lætur ofan í þig. Spurðu sjálfan þig hvort að það sé mögulega til hreinni vara en sú sem þú ert vön/vanur að velja í stórmarkaðnum. Tökum dæmi um mjólk.

Lífrænt vottuð íslensk mjólk er t.d mjög góð á bragðið og mun næringarríkari en hefðbundin nýmjólk. (hærra hlutfall CLA fitusýra ásamt jafnvægi á hlutfalli omega 3 og 6 fitusýra)

Þetta stendur utan á lífrænu mjólkinni:
“Kýrnar fá lífrænt framleitt fóður, nægilegt húsrými og möguleika á að njóta útiveru allt árið um kring. Það gefur þeim tækifæri til eðlislegrar hegðunar og eflir náttúrulegt mótstöðuafl þeirra gegn sjúkdómum”. Svona líkar mér. UPPLÝSINGAR um hvernig varan er framleidd og við hvaða aðstæður!

Hefðbundin nýmjólk er fitusprengd og gerilsneydd. Lífræna mjólkin er aðeins gerilsneydd (nauðsýnlegt skv. lögum og skv. þeim er ólöglegt að selja eða útbýta óunnri og hrárri mjólk)

Ef lífræn mjólk fæst ekki í kjörbúðinni þinni, gerðu kröfu um að henni verði bætt við í vöruvali búðarinnar. Þannig getum við þrýst meira á að lífrænar vörur verði raunverulegur valkostur.

Og til dæmis jógurt. Mér hryllir við hversu ógurlegt magn af hvítum sykri leynist í þessum litlu saklausu jógurtdollum. Stelpan mín 6 ára myndi hoppa til tunglsins af sykursjokki við það eitt að borða engjaþykkni. Ég reyni mitt besta að takmarka sykurneyslu hennar þó það takist nú ekki alltaf.

Prófaðu að velja hreina jógúrt, t.d frá Biobú og gerðu þau extra spennandi fyrir þína krakka á þinn eigin hátt. Settu dropa af lífrænum rauðrófusafa til að gera skær bleikt jógurt. Bættu við lífrænum rúsínum, grófum hafraflögum og laumaðu nú smá d-vítamíndropum og dass af hörfræolíu. Máltíðin eftir langan skóladag er nú orðin súper holl!

Heimsóttu lífrænu hornin í stórmarkaðnum þínum eða byrjaðu í LIFANDI markaði og gefðu þér tíma til að kynnast vörunum. Prófaðu eina og eina í einu. Prófaðu t.d að velja meira lífrænt fyrir barnið þitt. Börn fæðast ekki með fordóma gagnvart hollustu – við ölum það uppí þeim. Taktu meðvitaða ákvörðun sjálf/sjálfur að þú ætlar að versla hollara og lífrænna inn fyrir ykkur öll svo þið hafið öll gott og gaman af.

Lífræni innkaupalistinn minn er yfirleitt svona (um leið og þú byrjar er erfitt að snúa í ólífrænt!)

• Gúrkur, papríkur, grænkál … allt það íslenska lífræna ferskmeti sem ég kemst í
• Epli, appelsínur, mangó og fl. lífrænt innflutt ferskmeti…
• Ólivuolíu
• Mjólk og mjólkurvörur frá Biobú (jógurt, skyr, rjómi, mjólk)
• Möndlumjólk frá Isola
• Hrísgrjónamjólk í litlum fernum með röri frá Isola
• Engiferöl
• Gulrótabrauð frá Brauðhúsinu í Grímsbæ
• Brúnegg (lífræn egg fást ekki á íslandi)
• Fræblöndur, möndlur og hnetur frá Rapunzel

Þetta er svona það sem ég man í matvörunni. Ég hvet þig til að taka lífrænni áskorun, skella þér í næsta lífræna horn eða í Lifandi markað og taka þín fyrstu skref. Það er svo fyllilega vel þess virði

Og vegna þessa hef ég auðveldlega getað drukknað í einföldum kolvetnum. Það er nefninlega þannig að stundum verða grænmetisætur uppiskroppa með hvað þær geta borðað. Það er erfitt að vera pro grænmetisæta að mínu mati. Maður þarf að minnsta kosti að vera virkilega efnilegur í eldhúsinu til að þurfa ekki að borða brauð og pasta í öll mál. Þetta er amk mín reynsla.

Í kvöldmat var þetta. Í raun algjört fastfood, en samt bragðgott. Lífrænt grænmeti var með ásamt kotasælu sem var í þetta sinn sósan. (kotasæla er ekki paleo)  Steikt hakkabuff með lífrænum hvítlauk og lífrænu Chili frá Engi. Setti svo ferskt kóríander ofan á til að bragðbæta. Bara mjög basic. Ég var sátt og ánægð með að klára 6 daginn minn í paleo tilrauninni.

Eitt sem ég hef tekið eftir í paleo / fitness heiminum að fólk er alltaf að sleppa eggjarauðunni. Ég geri það aldrei og ég held að fólk sé ennþá fast í þeirri gömlu mýtu um að eggjarauður hækki kólesteról. Næringin er öll í rauðunni. Ég skal finna heimildir seinna varðandi þetta.

Til að “rappa” þessu upp var dagurinn sirka svona: 

Í morgun fékk ég mér eggjahræru, skeið af lífrænni kókosolíu og grænmetissafa (lítið glas)

Í hádeginu fékk ég mér kjúkling með salati frá lifandi markað

Í millimál fékk ég mér saxaðar lífrænar möndlur, hnetur og fræ, nóg af vatni og lífrænt epli.

Seinnipart fékk ég mér próteinsjeik, mjög plain. Prótein, möndlumjólk og ekkert annað því ég nennti ekki að saxa niður ávexti í hann.

Í kvöldmat var svo þetta sem þessi póstur átti upphaflega að snúast um… en svona er að geta ekki hætt

 Finn ég mun? 

Já, ég finn mun. Mér líður mjög vel og orkan er jafnari. Ég er með kraft á æfingum og ég fæ ekki lengur ofsaþreytu reglulega yfir daginn. Svo er húðin á mér fáránlega fín, en það gæti líka verið vegna þess að ég er að taka inn stóra skammt af af Beta Karótíni í tilraunarskyni. En þrátt fyrir það held ég að Paleo mataræði sé að hjálpa þarna töluvert til. Það er staðreynd að mataræði á borð við paleo og lágkolvetnamataræði minnka bólgumyndun í líkamanum. Þið getið lesið um þetta víðsvegar á netinu.

Að lokum vil ég benda á frábæra grein eftir hann Halla Magg vin minn sem er algjör límheili varðandi allt sem snýr að mataræði og næringu. Hann er mikill talsmaður lágkolvetnafæðis og er einn af þeim sem fær sér gúllas í morgunmat. Allavega, þið sem hafið áhuga – lesið þessa grein.

Vonandi hafið þið gaman af þessari tilraun minni, eins og mér

Svo í raun snýst paleo mataræðið meira og minna um að fara aftur til fortíðar. Þeir sem hafa lesið eitthvað eftir Weston A. Price ættu að kannast eitthvað við þessa pælingu. Í mjög fáum orðum sagt var Weston A. Price einn mesti frumkvöðull allra tíma á sviði rannsókna á næringu, mataræðis og áhrif þess á heilsu mannkynsins. Ég man ekki hvenær, en snemma á 20. öldinni ferðaðist hann um og kynnti sér mataræði margra frumbyggja víðsvegar um heiminn og komst að því að sjúkdómar á borð við hjarta og æðasjúkdóma, gigt, tannskemmdir og flest af því sem nútímamaðurinn glímir við í dag þekktist ekki hjá þessum frumstæðu ættbálkum,… ekki fyrr en vestrænt mataræði fór að breiðast út hjá þeim.

Þetta á mikið við um Paleo mataræði sem byggist fyrst og fremst um að borða sem líkaminn þarfnast. Borða það sem gerir okkur gott, sem byggir okkur upp, eflir okkur og gerir okkur að sterkari og heilbrigðari manneskjum. Og síðast en ekki síðst, hámarkar möguleika okkar til að lifa sem heilbrigðustu lífi. Hreyfing kemur þar sterkt inn, enda er Paleo ekki átaks mataræði sem þú borðar í nokkrar vikur til að skafa af þér smá spik, heldur er þetta lífsstíll. Paleo lífsstíllinn snýst líka um að hreyfa sig eins og frumbygginn gerði og þar kemur ástæða fyrir því að Paleo og Crossfitt eru systkini. Crossfit er æfingakerfi sem snýst um nákvæmlegu sömu hluti og Paleo; Hreyfing sem gerir okkur sterkari og hámarka möguleika okkar til að lifa heilbrigðu lífi. Myndbandið að neðan ætti að útskýra þetta mjög vel.

Ég er að taka mín fyrstu skref í bæði Paleo og Crossfit og þetta er líklegast það skemmtilegasta sem ég hef gert á ævinni. Ég hef þurft að taka algjöra U-beygju í viðhorfi til alls í lífi mínu og þá sérstaklega á neyslu á dýrapróteini en líka hreyfingu. Hræðslan við að stelpur verði of massaðar til að lyfta of þungu og fleira er löngu gleymt og grafið í mínu minni. Og svo hef ég líka lært það að maður þarf ekki að vera klukkustundunum saman í ræktinni til að sjá einhvern árangur. Þetta og margt annað munu þið kynnast ef þið tileinkið ykkur paleo/crossfit.

Nokkrar bloggsíður sem ég les:

• Tvíburasysturnar Elín og Jakobína eru báðar frábærar fyrirmyndir í crossfit / paleo. Þær halda úti bloggi þar sem þær tala um æfingarnar og mataræðið til skiptir. Mjög skemmtilegt. http://crossfittwins.blogspot.com/
• Marks daily Apple – Sennilega best uppfærða paleo bloggsíða sem ég hef kynnst. Stútfullt af efni, kennsku, PDF-bókum og spjallborði sem allir Paleo áhugamenn verða að lesa. http://www.marksdailyapple.com/
• Robb wolf er enn einn paleo sérfræðingurinn. Heldur út frábærri paleo síðu sem þú ættir að kýkja á. Hann hefur skrifað margar bækur um paleo, meðal annars The Paleo Solution.  http://robbwolf.com/

–> innskot. Hnetusmjör er víst notað í Paleo, en í hófi. Svo go right ahead, hreint lífrænt hnetusmjör er snilldin ein. < —

Ég ætla samt að blogga um þennan snillings millibita sem ég útbjó í gær- þeir sem vilja paleo útgáfuna noti lífrænt möndlusmjör en hinir geta auðvitað notað lífrænt hnetusmjör. Hann er svo einfaldur og eflaust kannist þið sum við þetta snilldar konsept. Þetta eru einfaldlega epli með hnetusmjöri.

Skerðu Lífræn epli í skífur, hreinsaðu kjarnan (eða ekki, ég borða hann til dæmis)

Smyrðu vænan skammt af jarðhnetusmjöri eða lífrænu möndlusmjöri (hryllilega hollt og gott!)

Settu á disk og horfðu á einhvern skemmtilegan þátt í sjónvarpinu

BEZTA möndlusmjörið mitt er frá Rapunzel, hægt að fá bæði með og án hýðis; dökkt eða ljóst.

Allt hráefni fæst meðal annars í Lifandi Markað

Næsti pistill verður hugsanlega um skilgreiningu á Paleo mataræðinu, hvað er gott og hvað ekki og jafnvel pósta ég þeim bloggum sem ég er að lesa þessa dagana.

Bestu lífrænt vottuðu kveðjur í heimi,

Sirrý

• Lífrænt vottuð egg frá frjálsum hænum
• Lífrænt kjöt af öllum gerðum, t.d lífrænt beikon, kjúkling etc.

Hér á Íslandi er ekkert aðgengi hins almenna neytanda að lífrænu kjöti NEMA í búðum eins og Lifandi markaði og Yggdrasil á Rauðarárstígnum. Svo næsta mál á dagskrá er að fara hafa samband við vin minn í biobú og panta lífrænan lambaskrokk. Þangað til þá reyni ég að gera mitt besta og velja það skársta. Ég vel brúnegg í grænukössunum, því ég hef ekki enn aðgengi að landnámshænueggjum -En þar sem þetta er þónokkuð vel lesinn vettvangur af fólki í lífræna bransanum þá óska ég hér með eftir að geta keypt landnámshænu egg í massavís – ef einhver vill selja mér  

Nautakjötið hef ég reynt að kaupa 100% hreint og án kartöflusterkju og þvíumlíkt. Ég er ekki enn orðin það klár að geta nefnt það hér hvaða framleiðendur eru hreinastir ennþá en þeim upplýsingum mun ég koma á framfæri hið fyrsta. Ef þið getið aðstoðað mig í því þá ekki hika við að koma þeim áleiðis hér fyrir neðan í comments.

Í gær eldaði ég Paleo kjötbollur.

Meðlæti: 100% lífrænt ofurgrænkáls salat sem er í senn gott fyrir heilann

Njótið

Undanfarið hef ég verið undir áhrifum kærrar vinkonu minnar sem er tvímælalaust heilsusystir mín og í gegnum þetta lífræna blogg kynntumst við einmitt og höfum verið góðar vinkonur síðan Hún býr í Stokkhólmi með manninum sínum og Torres/Suarez krúttlegasta sænska ketti sem ég hef séð. Anyways, hún yndislega Margrét kynnti mig fyrir Paleo fyrir ekki svo löngu síðan og oft þegar ég heillast þá þarf ekki að líða nema bara korter þar til ég er orðin obsessed. Þannig síðan fyrir nokkrum mánuðum síðan hef ég lesið tvær bækur og er á þriðju bókinni, lesið ótal mörg blogg og uppskriftir og mataræðið mitt er farið að einkennast af mataræði frumbyggjans.

Mig langaði því til að deila með ykkur smá fróðleik og einni schnilldar uppskrift af hinum fullkomna morgunverði að mínu mati, sem er í senn einfaldur (gott fyrir fólk eins og mig sem eru 28 ára og að taka sín fyrstu skref í eldamennsku) og hrikalega bragðgóður og HOLLUR.

Kristján Már Gunnarsson skrifar fantagóðan pistil um Paleo á bloggsíðunni sinni – lesa hér.

Loren Cordain er einn sérfræðingurinn á sviði Paleo mataræðis – bækurnar hans eru mjög fræðilegar og það er gaman fyrir næringarnörda eins og mig að lesa greinar eftir hann. Hér getiði lesið Q&A á síðunni hans.

Svo að uppskriftinni. Í morgun vaknaði ég snemma og það var tvennt sem dró mig fram út rúminu. Nýji kötturinn okkar hann Elías (3ja mánaða) vakti okkur uppúr 6 í brjáluðu stuði, svo langaði mig ómótstæðilega í gott kaffi, svo þegar klukkan var 9 var ég orðin svöng og þetta var morgunverður sem ég varð að elda mér.

Paleo pönnukökur

- uppskrift tekin af mörgum paleo bloggum, meðal annars hans Marks Daily apple sem áhugafólk um paleo er flest húkt á.

• 2 egg (brúnegg eru þau skástu hér á landi, fyrir utan landnámshænuegg ef þið komist í slíkt)
• 2 kúfullar matskeiðar af lífrænu möndlumjöli (í öðrum uppskriftum er möndlusmjör notað en þá finnst mér deigið verða allt of blautt)
• 2 stappaðir bananar (í mauk)
• Kanill – hnífsoddur til að bragðbæta
• Má bæta við hreinu próteini ef vill, en þá er gott að bæta við auka eggi.

Öllu hrært saman svo úr verði deig. Hitið pönnu og setjið lífræna steikingarolíu og setjið hæfilega mikið magn af deigi á pönnuna til að útbúa pönnukökurnar. Snúið þeim ekki við fyrr en pönnukökurnar séu vel steiktar á annarri hliðinni.

“Í þessum pönnukökum er sneisafullt magn af próteinum, flóknum kolvetnum og góðri fitu”.

Mögulega mun þetta blogg einkennast af uppskriftum í framtíðinni, er ekki löngu kominn tími til ??

að lokum, horfið á þetta myndband – segir allt sem segja þarf til að útskýra Paleo.

Ég vil byrja á að þakka ykkur fyrir að vera svona trú og trygg þessari mis-vel uppfærðu síðu minni. Það er nánast alltaf sömu 100-150 manns sem kýkja hingað inn á hverjum degi í þeirri veiku von um að geta lesið eitthvað nýtt, lífrænt og fróðlegt. Ég skal svo sannarlega bæta úr þessu enda er aðeins að losna hjá mér tími til að geta sinnt öllum lífrænu lesendum mínum vel og sem oftast

Svo sannarlega hefur mjög margt gerst undanfarna mánuði í lífræna bransanum. Ég held það sé augljóst að hið ómetanlega starf þeirra sem sinna SLN (samtökum lífrænna neytenda) hvað mest sé klárlega að skila sér tífalt í íslenska krúttlega og oft lokaða samfélagi okkar. Það er hreint ótrúlegt hversu miklar breytingar er hægt að sjá til dæmis bara á fjölmiðlum. Nú er fólk á fréttamiðlunum sem sinnir og vekur umræðu á vandanum sem við lifum við hér á Íslandi. Þið neytendur horfið eflaust á lífræna ræktun með allt öðrum augum en fyrir ári síðan. Jafnvel hafa ný orð bæst við orðaforðann eins og verksmiðjubúskapur… eflaust hefðuð þið ekki hugmynd um hvað það þýddi áður en sú veigamikla umræða fór af stað eins og eldur um sinu núna í vor. Allt þetta hefur í litlum hænuskrefum hjálpað til að opna umræðuna og viðhorf landans til lífrænnar ræktunar, sem enn er í lágmarki miðað við nágrannalöndin okkar – en það eru klárlega miklar sviptingar í gangi og vonandi heldur þetta árfam og við förum að sjá fleiri unga sæta bændur í bransanum

Hægt að sjá aukninguna með berum augum

Verslanir almennt hafa aukið úrval sitt af lífrænu hráefni, verslanir sem bjóða uppá vörur beint frá bónda hafa sprottið upp, lífrænn útimarkaður hefur verið starfræktur í allt sumar á Lækjatorgi, stórmarkaðir halda bændamarkaði með nýuppteknu grænmeti lífrænu og hefðbundnu og veitingastaðir leggja extra mikla áherslu á beint frá bónda og svo var troðfullt hús á fyrirlestri Vandana Shivu helstu baráttukonu sjálfbærni og lífrænnar ræktunar og færri komust að en vildu. Þetta er bara brot af því sem hefur gerst.

Þessi ánægjulega þróun hefur laðað að frumkvöðla sem trúa á framtíð lífræns lífsstíls og nýjar vörur og fyrirtæki hafa fæðst. Dæmi um það er fyrirtækið Organic.is sem sérhæfir sig í framleiðslu á lífrænt vottuðum lífrænum freistingum. Ég var svo heppin að snillingurinn á bak við þessar freistingar, hann Jói kom færandi hendi og bauð mér að smakka. Ég fékk að smakka tvær tegundir, hnetufreistingu og eplafreistingu og það var undravert hversu mikil bragðsprengja og sæluvíma varð við fyrsta bita.

Hnetubitinn minnir á snickers með mun meiri fyllingu, dass af söltu bragði en þó hæfilega sætu bragði og súkkulaðið toppar bitann klárlega. Algjört lostæti. Eplafreistingin kemur skemmtilega á óvart. Í fyrstu leit hann aðeins og hollustulega út, en svo kom í ljós að hann er ekki síðri en Hnetufreistingin. Epla og kanilbragðið blandast vel saman minnir mann á jólin Allar freistingarnar eru 100% lífrænt vottaðar og 100% hráar. Ég hef sagt það áður og ég vil endurtaka það, allar þessar tæpu 300 kaloríur munu að öllum líkindum ekki fara á rassinn á þér, heldur beint í þá staði sem líkaminn þarfnast enda er þetta lostæti svo hollt.  Í vinnunni minni deildum við sennilega 4 hverjum bita og það var alveg nóg.

Umbúðirnar eru virkilega fallegar og það sem er frábært við þær er, þær eru 100% niðurbrjótanlegar, unnar úr Maíssterkju og sykurreyr. Á umbúðunum eru skilaboð um að plast brotnar ílla í náttúrunni og sumt plast brotnar jafnvel aldrei niður. Það er átakanlegt að lesa það.

Ég mæli með að þið prófið lífrænu og hráu freistingarnar sem fást nú orðið í öllum helstu heilsubúðum á höfuðborgarsvæðinu.  Ég gef þessum vörum mína hæstu einkunn

Lífrænar kveðjur kæru vinir!

Kæru lífrænu vinir

Í tilefni að heimsókn Vandana Shiva, mun Bíó Paradís sýna 3 myndir:
* fimmt. 25. ágúst kl 20 Seeds and Seedmultinational með Vandana Shiva (kvikmynd um þessa merkilegu konu og baráttuna gegn fjölþjóðlegum risafyrirtækjum í líftækniiðnaði)
* laugard. 27. ágúst kl 20 Life running out of control (kvikmynd um afleiðingar erfðabreytinga; samfélagsleg og siðfræðileg álitamál.)
* sunnud. 28. ágúst kl 20 Scientists under attack (kvikmynd um baráttu vísindamanna við fjölþjóðleg risafyrirtæki í líftækniiðnaði)

Allir þeir sem hafa áhuga á sjálfbærni, umhverfinu og hafa skoðanir á líftækni og áhrifum þess á matvælaöryggi okkar ættu að gefa sér tíma og fara á fyrirlesturinn hennar á laugardaginn kl. 17:00 í Háskólabíó og kýkið í bíó og fræðist um þessa ótrúlegu konu og baráttumálum hennar.

Ég vona innilega að sem flestir landsmenn láti sjá sig á þessum viðburði. Ef við vöknum ekki núna, þá getum við bráðum átt í hættu að menga landið okkar með erfðabreyttri náttúru. Það er ekk hægt að snúa við þá.

Ég gerði grófa rannsókn á engiferdrykkjum sem fást hér á landi og ég held að þessi hér fyrir neðan sé sá allra hollasti.

Innihald: lífrænt engifer, lífrænn eplasafi, vatn + kolsýra.

Aðrir álíka engiferdrykkir innihalda annað hvort hrásykur, sykur eða karamellu.

Sumarfríið mitt er að hefjast, það verður eins gott og þessi drykkur hér fyrir neðan. Lífrænn, ótrúlega bragðgóður, einfaldur og inniheldur ekki hvítan sykur.

Ertu ekki örugglega búin að smakka? Það er auðvelt að verða húúkt!

<3

Naturfrisk engiferölið fæst um land allt, nema í bónus.

1. Fyrir meltinguna og fallega heilbrigðan roða í kinnunum, þá ákvað ég að fylla ísskápinn af lífrænum Rauðrófusafa.
2. Til að bragðbæta eplaediksdrykkinn minn; þá keypti ég lífrænan Epla&engifer safa – í glerflöskunum! slurp slurp! Nenni ekki hori og veseni í vorhretinu.
3. Ég ákvað að nýta mér 25% ofurafslátt Nettó búðanna í lífrænu deildinni og fjárfesti í lífrænum grunnvörum heimilisins: M.a Lífræna Rapunzel krítarolíu, sem er svo góð að ég gæti næstum þambað hana. Hún gerir grænkálssaltið 100% bragðbetra með smá hafsalti. Afslátturinn er til 2. júní.
4. Svo keypti ég mér lífrænt prótein frá NOW. Ég er með öllum ráðum að reyna að bæta við góðu próteini við hverja máltíð dagsins. Ég geri sjeika og eggjahrærur í massavís þessa dagana. Ég er víst kolvetnisfíkill :/
5. Helgin fer svo í skúra, skrúbba, bóna heimilið. Vorhreingerning nr. 2 er um helgina og hún verður að vanda mjög umhverfisvæn. Ég valdi mér vörur frá Sonett, en þær eru svo umhverfisvænar að þú hefðir eflaust ekki meint af ef þú myndir strá þvottaduftinu út á morgunmatinn þinn. (en í fúlustu alvöru, ekki gera það sam!

Ég er búin að fylla skápinn af: þvottaduftinu, hreinsisprey sem virkar á bað, vaska og allt, ræstikrem sem ég nota á klósettið og bað. Ég elska ljúfu náttúrulegu og vægu sítruslyktina sem ilmar eftir að ég nota Sonett.

Svo er allt lífræna ÍSLENSKA grænmetið að detta í allar verslanir. Hvernig væri að fara panta sér nokkur kíló af grænkáli og henda í frystinn !!!

Knús í helgina!