Lífrænt íslenskt grænkál ROKKAR!

Mig langar að segja ykkur frá þvílíkri ofurfæðu…sem er ódýr,hrá,  íslensk, lífræn og æðisleg! = FULLKOMIN

Grænkálið er stútfullt af A-, C-, beta karótín og kalki ásamt ótrúlega mörgum öðrum súpernæringarefnum!
Grænkálið er dökkgræn káltegund og fær fallega dökkgræna litinn sinn frá Chlorellu sem er einstaklega hreinsandi og náttúrulega detoxandi.
Það hefur einstaklega hæfileika til þess að sækja eiturefni sem eru föst í líkamanum og hreinsa þau út, hreinlega!

Ég nota grænkálið fyrst of fremst í hristinga og salötin mín. Ég vil fá alla þá mögulegu næringu frá grænkálinu beint í æð og þess vegna nota ég það 100% hrátt. Mér finnst grænkálið svo mikil snilld. Núna ætla ég að vera rosalega sniðug og kaupa slatta af því og frysta fyrir veturinn. Það er svo harðgert og sumir segja að það sé sætara á veturnar vegna þess að frostið hefur þau áhrif.

Ég setti mér þau markmið að í sumar ætlaði ég að nota og nýta eins mikið af íslensku hráefni í matinn minn eins og ég mögulega gæti. Grænkálið er einn liðurinn. Það er svo hollt að það nær varla neinni átt. Það hefur alla þá ótrúlegu næringu sem brokkolí-ið hefur til dæmis. Svo eru það bláberin í ágúst.

Grænkálið má:

• djúsa
• nota í hristinginn
• í súpur
• nota í salöt
• gufusjóða
• nota í RAW vefjur – ( nota salatblöðin í staðin fyrir hveiti Tortillur)
• allskonar margt annað…

Hvernig á maður að gera alvöru hráa heilsuhristinga?

RAW hristingur úr íslensku og/eða lífrænu hráefni: Það sem gildir er að láta hugmyndaflugið ráða.  Grunnurinn getur alltaf verið sá sami. En svo getur grænmetið verið breytilegt. Þú getur næstum því verið viss um að fá alltaf góðan hristing ef að þú notar t.d hráa & heimagerða möndlumjólk eða vatn og avókadó (sem þykkir) og sesammaukið gerir hristinginn silkimjúkann. Þetta er of gott til að vera satt, þú verður bara að prófa!
Lífræna möndlumjólk frá grunni er gerð svona: Lífrænar möndlur lagðar í bleyti í 1-2 tíma eða lengur. Afhýddar og settar í blandara með vatni og allt hrist saman. Sumir síja aðrir ekki. Ég nenni því ekki. Ég afhýði ekki einu sinni. Ég geri þetta bara á sem auðveldastan hátt sem mér finnst frábært

Dæmi um auðveldan hristing:

1) Vatn, íslenskt grænkál, avókadó,  grænt ofurduft (t.d úr jurtaapótekinu) 1 bolli lífrænir hafrar = hrista og drekka. EASY!,
2) Möndlumjólk (gerð frá grunni tekur 3 mín), Tahini (sesammauk lífrænt) grænkál, ber. EASY!

Mér finnst dásamlegt að nota sem mest íslenskt hráefni núna þegar að maður loksins getur það. Í hverri viku kemur sending í Yggdrasil af nýju lífrænu íslensku grænmeti.  Í júlí kemur fína lífræna grænkálið frá Eymundi í Vallanesi en núna er lífræna grænkálið komið í búðir frá ENGI. Snilldin við grænkálið er að maður getur keypt tonn og fryst það og notað því lífrænt íslenskt grænkál allan ársins hring. Það er mesta snilld í heimi. Meira segja er til blogg sem kennir þér að borða grænkál á 365 vegu! Íslenskt grænkál er málið!

Gerið ykkur ferð í næstu búð og fyllið ísskápinn af nýju fersku íslensku og lífrænu grænmeti!

Kv. Sirrý grænkálsdóttir

Ný kókosolía á markaðinn

Vantar þig kókosolíu? Ertu eins og ég og notar kókosolíu liggur við í staðin fyrir næstum allt á heimilinu? Ertu ein af þeim sem þolir ekki hvað kókosolíu krukkurnar eru alltaf LITLAR!??

Nú er komin ný og HRIKALEGA geggjuð kókosolía á markaðinn í heilum 500 ml.

Hún er:

• 100% lífræn ( sömu ofurgæði og Rapunzel kókosolían)
• 100% extra virgin Kókosolía og því lyktar ótrúlega vel og inniheldur öll næringarefni sem kókosolía á að innihalda
• 100% AWESOME!!!!

Ég nota hreina lífræna og svona awesome kókosolíu á:

• smettið á mér
• kroppinn
• hársvörðinn
• þegar ég raka mína flottu leggi
• ég tek hana inn (til að fá magnaðar fitusýrur og styrkja ónæmiskerfið)
• ég nuddaði litla ungabarnið mitt uppúr henni þegar hún var pínkupons
• Ég set hana í baðkarið og kveiki á kertum
• Ég nota hana sem náttúrulega milda sólarvörn – en ég mæli ekki  með að þú endilega hermir og steikist ef þú ert með viðkvæma húð!
• Ég nota hana sem augnfarðahreinsir – og ég verð EKKERT RAUÐEYGÐ!!!
• Sumir nota kókosoíu sem SLEIPIEFNI (híhíhí) og sleppa því að nota svínsrassafitu sem er í hefðbundnum sleipiefnum úr búð.
• hægt er að nota Kókosolíu á sár og sveppamyndun á nöglum t.d Hún er einstaklega sveppadrepandi
• mjög sniðugt er að taka hana inn ef þú þjáist af Candida ógeðinu.
• líka ef þig vantar góðar fitur fyrir heilabúið þitt
• Hún er FRÁBÆR á exem og psoriasis…

Mér finnst þessi síða æðisleg um kókosolíu og kókosfituafurðir…

Og svo er hún ekki síður BESTA mögulega steikingarolían sem þú finnur. Ástæðan fyrir því er vegna þess hversu ótrúlega hitaþolin hún er. Venjulegar olíur eru mjög viðkvæmar gagnvart hita og eru því bestar út á salöt og fleira. Ég hef lengi gert miklar kröfur á þær olíur sem ég vel mér. Ég horfi á þetta sem fjárfestingu og vel ALLTAF lífrænar og kaldpressaðar gæða olíur frá Rapunzel í minn mat og út á mitt salat. Meira segja á ég eina uppáhalds ólífuolíu og hún heitir KRETE olía. Ég get næstum þambað hana.

Viltu lyktarlausa gæða kóksolíu í stórum umbúðum frekar? eða líka?

En sniðugt því það er líka til í sömu gæðum og frá sama framleiðanda lyktarlaus lífræn kókosolía.

ég mæli með að þú prófir – hún er ódýrari en þessar í litlu krukkunum.

• LífrænaExtra virgin kókosolían = 2500 kr.
• Lífræna lyktarlausa kókosolían = 1500 kr.

Fæst í Yggdrasil og bráðum í Fræinu Fjarðarkaupum.

Svo að lokum verð ég að benda á þetta myndband um fjölskyldu sem nærir barnið sitt á hrárri lífrænni mjólk.

Grænn safi og íslensk lífræn ræktun

…lífræn íslensk næring í æð!

Það er svo ógeðslega auðvelt að gera sér grænan safa. Allt er vænt sem vel er grænt sagði einhver fróður  maður og hann hafði rétt fyrir sér. Við erum snillingar í að búa til eilífar afsakanir fyrir því að drífa okkur ekki áfram og búa til eitt svona grænt meistarstykki - en vitiði hvað, þær gilda ekki lengur!

Málið er bara að taka fyrstu skrefin og nú er einmitt full ástæða til. Grænn safi er svo hollur og stútfullur af hollum eilífðar næringu og það er það sem skiptir öllu heimsins máli, að næra kroppinn svo við höldum heilsu eins lengi og við viljum lifa!

Ég lofa að þetta tekur um 5 mínútur. Ekki meira.Það sem þú þarft er grænt kál, spínat, epli og lífrænan safa t.d Yggdrasil safana frá Beutelsbacher. Þeir eru þeir allra hollustu og bestu á markaðnum og stútfullir af næringu. Allt sett í blender og neytt = og kroppurinn brosir af hamingju.

Núna eru verlsanirnar að stútfyllast af íslensku og/lífrænu grænmeti frá grænmetisbóndunum okkar. Um miðjan júlí verður hátindinum náð og flestar ef ekki allar tegundir íslenska grænmetisins komið í búðirnar. Ég hlakka svo ótrúlega til og ég ætla svo sannarlega að stútfylla eldhúsið mitt af íslensku og lífrænu góðgæti.

Ef þú vilt gera þetta reglulega og á auðveldan hátt þá mæli ég með að þú gerist áskrifandi af lífrænu íslensku grænmeti hjá Græna hlekknum. Þau Kalla og Þórður í Akri eru að rækta af ást og kærleika margskonar lífrænt grænmeti og þessi þjónusta hjá þeim eru hrein og tær snilld.

Næstu helgi verður haldið námskeið í LÍFRÆNUM LÍFSTÍL sem er samvinnuverkefni allra garðyrkjubænda í Laugarási. Ég hvet þig til að taka skrefið og kynnast þessum yndislega lífstíl og kynnast kærleikanum og hugsjóninni á bak við hvern einasta lífræna íslenska tómats sem þú sérð í verslunum þessa dagana. Þetta er einstakt!!!!!

Íslenskt lífrænt grænmeti er það besta í heimi – núna er tækifæri til að smakka, nærast og styðja við íslenska lífræna ræktun. Í Yggdrasil fæst allt það íslenska grænmeti sem framleitt er á íslandi. Komdu í vettvangsferð og sjáðu úrvalið.

…þannig byrjaru að taka fyrstu skrefin í átt að lífrænni lífstíl

Eitruð afeitrun

Dagur 2. Þriðjudagur.

Mér líður eins og ég sé að skrifa þennan pistil í litlu hvítu of lýstu herbergi á meðferðarheimilinu Stuðlum. Ég er klædd í hvít náttföt, finnst allt of bjart…finn fyrir þreytu, orkuleysi. Ég er í afeitrun. Ég er á hráfæði. Líkaminn er í sjokki. Ha, ekkert kaffi í dag? Hvað er að gerast? Nei, ég er í stofunni heima hjá mér. Kærastinn við hliðina á mér, hér er kerti og góð tónlist og sjónvarpið í gangi. Ég heyri þetta ekki, sé ekki, veit ekki…eina sem ég veit … ég er í afeitrun og ég get ekki beðið eftir að henni ljúki.

Jú, þið lásuð rétt. Ég og kærastinn tókum risa skref og byrjuðum á sunnudaginn í 2ja vikna hráfæði tilraun. Ég hef nú tekið þær nokkrar yfir ævina, en þessi er sérstök af tveimur ástæðum. Ég drekk kaffi, sem ég gerði ekki áður = mun erfiðara að losa það úr kerfinu og svo er Pétur með mér í þessu núna, sem gerir mig að svona hráfæðis kennslukonu og þjálfara…. og jú fyrirmynd… það er eins gott að ég klikki ekki!!! Kærastinn er í dálítið meira sjokki en ég, sem er skiljanlegt…enda er þetta ekki auðvelt.  Þetta er bara fyrir sterkasta fólkið, sem þorir að taka smá challange! Og í verðlaun…tja…þau koma í ljós á endanum.

Vitiði, ég er á 2 degi og ég hef aldrei liðið eins vel og jafn ílla á sama tíma. Líkaminn er í yfirvinnu núna, ég finn það inn að beinum. Ég er þreyttari, en ég er að sama skapi samt orkumeiri.  Ég sakna þess ekki að borða á mig gat eða finna heila 12″ pítsu belgjast út í maganum mínum og stækka hann fjórfalt. Ég sakna ekki kaffibollanna, sem í raun gera mér svo margt íllt. Ég er svo fáránlega næm fyrir kaffi, ég fæ íllt í vöðvana af kaffi og verð svo uptens að ég finn árin saxast af hratt og þétt. Ég sverða að ég finn hvað kaffið gjörsamlega boostar Free Radicals myndunina í líkamanum. Kaffi er djöfullinn. Ég hef syndgað svo oft…og ég vil fá blessun. Shit, þetta er að breytast í trúarlega athöfn…. :S

Ég hef sakna þess að borða til að nærast. Og næra hverja og einustu frumu líkamanns. Kærastinn er hins vegar skeptískur og ég er í óða önnum að berjast við sjálfan mig að leyfa honum að vera skeptískur því auðvitað trúi ég því innilega, að þetta er hrikalega gott og hollt og lengir lífið og barasta bætir meira segja nokkrum árum við ævina … ef maður heldur þetta einhvað út.  Kærastinn er ekki alveg sammála um hvað sé hæfilegur skammtur af mat og hvað matur sé almennt. Ha, er enginn matur? – segir hann þegar hann áttar sig á að maturinn er jú, salat diskur – kúfullur að mínu mati, en bara uppí nös á ketti að hans mati. Það er jú þannig, að því hreinna fæði sem þú ert á, þá þarftu ekki þetta gígantíska magn sem þú ert vön/vanur að borða. Pétur er ekki orðinn alveg sammála mér í þessu, en hann heldur þetta út kallinn, hann má fá hellings hrós fyrir það!

Þið sem ekki þekkið hráfæði, þá er það í raun matur sem ekki hefur verið hitaður yfir 41°C…eða var það 47°C?. Maturinn samanstendur af öllu því sem móðir náttúra gefur okkur. Ekki misskilja mig, kaldir hamborgarar eru ekki inní þessu fæði, heldur meira eins og spínat, grænmeti, ávextir, hnetur, fræ, spírur, súpur, boost, safar, kökur… endalaust. Það er hægt að búa til hráfæðis lasagna, hráfæðis spagetti (að sjálfsögðu ekki með pasta núðlum), hrökkbrauð og þið getið meira segja farið fínt út að borða á Gló og fengið hráfæði að hætti Sollu grænu. Dagurinn minn samanstendur af grænu boosti í morgunmat, ávexti í millibit, hráfæði súpu eða hálfgerðu boosti í hádegismat, nammipoka milli mála (trúið mér, þetta er ekki hefðbundinn nammipoki úr sjoppunni á næsta horni!), salati í kvöldmat. Að degi loknum bíður okkar svo dýrindis hráfæði kaka og hennar er sko notið. Pétur var 30 mínútur með 1 litla sneið í fyrrakvöld sem hlýtur að vera met!

Svo eru döðlur, fræ og annað nammigott í millibit. Já, þetta er dálítið lítið, en það eru engin boð og bönn í hráfæði farir þú eftir “reglunum” um að borða bara hráar afurðir (ég er ekki að tala um kjöt og sushi hér). Margir velja að borða 4 banana í morgunmat, það er ekkert sem segir að þú megir það ekki… eða heilan döðlupoka. Go ahead! Ég er núna að leyfa kroppnum að hreinsast og eftir það hræðist ég ekki svengdina. Í raun er ég ekki svöng, ég held bara að maginn sakni bara brauðsins og fyllingarinnar og hann sé í því ferli að minnka aðeins. Margir hræðast að velja þessa leið, þessa svkölluðu öfgakenndu leið… telja þetta “the extream way of eating”, en hvað er extream… er ekki Mcdonalds extream?? 1 Mcdonald hamborgari inniheldur kannski kjöt úr 1000 ílla búnum nautum með krabbamein. Ég fer ekki nánar út í þessar lýsingar, en þið vitið hvað ég meina… móðir náttúra er ekki eitthvað sem ætti að teljast til öfgakennds mataræðis. Við erum bara komin svo langt frá henni.

Ég spái að næstu 2 dagar verði mér erfiðastir. Árið 2006 minnir mig tók ég hráfæði rispu og þvílík reynsla það var. Mér hefur aldrei liðið eins vel. Ég dásama hráfæði þess vegna! Það er dásamlegt og svo ótrúlega heilnæmt að engin orð fá því líst. Já, maður verður alveg svona “high on life” þegar maður borðar svona hreint…

Viltu byrja á hráfæði? Mitt ráð, lestu, lestu og lestu fyrst áður en þú byrjar. Það er engan vegin hægt að byrja bara cold turkey. Þú munt þá sjá fram á svengd og örvæntingu…og jafnvel að þú endir á næstu hamborgara búllu. Skráðu þig á námskeið, lestu bækur, netið, blogg… gerðu þetta með vinkonu þinni. Slepptu því að hugsa bara um aukakílóin, spáðu líka í að þú viljir fara á mataræði sem lætur þér líða svo vel að þú kannast næstum ekki við að hafa liðið svona vel á allri þinni ævi. Farðu líka hægt í sakirnar. Hráfæði getur verið eins einfalt og að grípa sér lífrænt epli, en þú getur líka farið flóknari leiðir og gert þér stórkostalega rétti. Það er stóri kosturinn við hráfæði…reyndar eru svo ótrúlega margir kostir…

Allavega, þetta var innsýn inn í daginn minn og ég mun halda áfram að blogga um þetta ferli.

Ég er nýbúin að japla á litlu lífrænu appelsínunni minni og líkaminn þakkar pent fyrir sig með því að bæta 0,1 ári við lífið. Takk fyrir mig, burb…

P.s það er vel þess virði að horfa á þennan trailer, Crazy Sexy Cancer er heimildarmynd sem allir ættu að sjá.

Veggie overload

Síðan ég kom frá Indlandi, reyndar síðan ég fór til Indlands hef ég ekki borðað kjöt. Ég hef ætíð haft óbilandi áhuga á grænmetisfæði og ég trúi frá mínum innstu hjartarótum að neysla á kjöti, kjötvörum og reyndar flestum dýraafurðum sé okkur óþörf. Ég er ekki vegan, heldur kalla ég mig bara áhugamanneskju um grænmetisfæði – eða áhuga grænmetisæta. Þegar ég elda mér sjálf mat, fyrir mig og mína fjölskyldu þá reyni ég af fremsta megni að nota grænmeti einungis, tófu eða alíslenskan fisk. Nota bene, ég er ekki hardcore vegan, það er mjög mikill munur á hardcore vegan skvísu sem neitar að klæðast leðri meira segja, og frá mér, áhuga-grænmetisætunni Svo ekki missa þvag og saur yfir því ef þið hittið mig á sushibarnum eða einhvað álíka
Fyrir utan það hvað ég hef lesið mig til um kjötneyslu, – þá líður mér margfalt betur í líkamanum þegar ég sleppi því að borða kjöt.

Það eru margskonar ástæður á baki. T.d sú að orkan sem líkaminn eyðir í að melta og vinna úr kjötinu er gígantísk í samanburði við grænmetisfæði eða jafnvel fiskmeti. Í framhaldi verður maður þrútinn, þreyttur, stíflast, líður andlega verr og maginn bólgnar út og svo framvegis. Ég er í góðu sambandi við líkamann minn, þ.e ég hlusta á hann, hvaða einustu einkenni sem koma upp þá analyse-a ég þau til andskotans – þegar ég borða kjöt, þá líður mér ílla í maga, meltingu og fer í andlegt ójafnvægi. Ef að þið prufið að hlusta alltaf á hvað líkaminn segir ykkur þá munuði finna það sama og ég.

Ég var 15 ára þegar ég hætti fyrst að neyta alls kjöts. Ég hætti að mig minnir í um 5 ár, en ég vissi aldrei afhverju í raun ég var að þessu nema bara að ég var að herma eftir vinkonu minni og mér fannst þetta dáldið töff að vera grænmetisæta. Ég hinsvegar vissi ekkert hvað ég var að gera og mig minnir að ég hafi bara borða meira brauð í staðinn.

Í dag eru forsendurnar svo allt öðruvísi. Ég veit að þetta er ekki gott fyrir kroppinn minn, nema í algjöru hófi. Yogakennarinn minn sagði alltaf við mig, “Sirrý, dont ever tell someone you love to quit eating meat”, “don´t believe anything anyone tells you…just EXPERIENCE it”. Það er það sem ég er hef nú að leiðarljósi…ég ætla að venja mig á að upplifa áhrifin af því sem ég kýs mér að gera, hvað sem það er..með mataræði, kjötneyslu, trúarmál og hvað eina…það er svo magnað. Eins með trú, maður verður að upplifa hana, upplifa guðinn, upplifa kærleikann til að trúa..ekki bara halda á Biblíunni og segja að þetta sé sannleikurinn og segjast trúa á hana. Það verður að vera einhver upplifun á bakvið

Tofu Delight, a la sirrý

Þetta er bara einhver tofusletta sem ég henti í pott og steikti með grænmeti, hvítlauk, hoi- sin sósu og spínati. Tók 15 mín.
Very easy, very good, very vegan

Allavega, komin alveg langt út fyrir umræðuefnið – sorry Ég hvet ykkur samt að grandskoða áhrifin á líkama ykkar þegar þið hafið borðað sunnudagssteikina. Hvernig tekur líkaminn þessu? hvernig verður meltingin? Er líkaminn sáttur?

Það þarf ekkert endilega að vera að allir upplifi þvílíka vesæld og þunglyndi eftir neyslu kjöts, en það má velta þessu upp, þó það væri bara til þess að styrkja samband ykkar við eigin líkama og hæfni til að greina úr skilaboðunum sem hann sendir ykkur ávallt á hverjum degi.
Svo er líka eitt. Grænmetisætu labelið. Mér finnst ég heyra svo oft harða gagnrýni á þá sem kjósa sér að lifa að mestu án kjöts. Þeir eru oft gagnrýndir fyrir að ganga þá í leðurstígvélum unna úr dýraskinni…eða gagnrýndir fyrir að borða fisk, en neita að borða rautt kjöt. Málið er bara að við erum öll misjöfn og öll erum við að gera þetta á misjöfnum forsendum.

-Anna er grænmetisæta því hún elskar dýr og vill ekki drepa dýr, hún gengur heldur ekki í leðri.
-Björn er grænmetisæta, borðar samt fisk því hann telur hann hollari kost en annars.
-Karólína er grænmetisæta því henni er annt um heilsuna. Hún er hæst ánægð með nýja leðursófasettið sitt sem er unnið úr nautshúð.

Öll eru þau með grænmetisfæði yfir 60-99% af sínum daglega mataræði. Að mínu mati má alveg kalla allt þetta fólk grænmetisætur.
Auðvitað á öll gagnrýni rétt á sér sé einhver rökstuddur bakgrunnur á bak við hana, en fólk má líka vera í friði með sínar ákvarðanir, er það ekki?

Ég elska grænmetisfæði, það er bragðgott, ótrúlega hollt, létt í maga, orkumikið, eykur vellíðan, lengir lífið og auk þess getur það verið 100% lífrænt ef maður velur vel

Ég vona að þið takið þátt í þessari áskorun, að hlusta á líkamann og athuga hvernig hann tekur sunnudagssteikinni eða hakkabollunum hjá ömmu

Ást og friður,
Sirrý – áhugagrænmetisæta, örugglega yfir 70% hlutfall af mataræðinu mínu er grænmetisfæði oftast jafnvel meir. Samt elska ég sushi, hugsanlega vel ég mér það að fá mér jólasteikina :Þ