Lífrænt vottaðir páskar

…snúast um að láta sér líða vel og njóta

Ég er svo lukkuleg að ég þarf ekki að elda neina einustu máltíð, svo ég sný mér beint að efninu: SÚKKULAÐINU!

Lífrænt vottað súkkulaði Frá Rapunzel. Sko ef ég væri kokkasnillingur þá væri ég búin að bræða nokkur svona stykki í páskaeggjamót, en þar sem ég er það ekki þá kaupi ég þetta dásamlega lífrænt vottaða súper góða súkkulaði í mazzavís. Ég á mörg uppáhalds Rapunzel súkkulaði enda framleiðir þetta mikla hugsjónafyrirtæki endalaust mörg góð súkkulaði, sem eru í senn með sérstakan “fair trade” stimpil sem þau kalla HAND IN HAND. Þau hjónin sem eiga Rapunzel fannst hinn hefðbundni Fair trade stimpill ekki nógu öflugur, – ef ég man rétt þá þarf einungis um 1% af innihaldi vörunnar að vera Fair trade svo megi kalla vöruna Fair trade. Dálítið furðulegt, en allavega, þá bjuggu þau til sinn eigin gæðavottun um sanngjarna viðskiptahætti og HAND IN HAND varð til. Varan þarf að vera að lágmarki 50% Fair trade svo megi setja á hana þennan flotta stimpil. Þess má geta að öll súkkulaði frá Rapunzel eru með þessa vottun um sanngjarna viðskiptahætti.

Auður heilsukokkur tók á það ráð að framleiða lífrænt vottuð páskaegg. Hægt er að nálgast þau á vefsíðu hennar, www.heilsukokkur.is  Ég veit að það eru nokkur eftir í Yggdrasil verslun, svo það er um að gera að prófa.

Síðast en ekki síst  þá er algjör nauðsýn að eiga til slatta af góðgerlum og “sturta” þeim ofan í sig til að forðast Candida sveppasýkingu sem á eftir að blossa upp hjá alþjóð eftir páskana.

Berry dophilous eru góðgerlar sérstaklega fyrir alla krakkaorma  sem borða sykur um páskana.

Og í tilefni þess að við borðum flest öll súkkulaði frá fílabeinsströndinni þá er kannski gaman að rifja upp hvernig það er framleitt.

Gleðilega páska mín kæru. Njótið, hvílist & gleðjist

Lífrænar næringarstangir

Ef þið eruð eitthvað lík mér og látið ykkur oft dreyma um að geta fengið hollan, lífrænan og jafnvel næringarríkan millibita án þess að þurfa að útbúa hann frá grunni sjálf, þá hef ég fundið svarið. Ég hef borðað þessar nærginarstangir síðan 2005, eða frá því þær komu á markaðinn. Þær heitra Organic Food bar og ég elska þær! Það eru svo ótal margir kostir við þessar stangir og þær mæta öllum mínum mögulegu kröfum í gæðum og bragði. Þær fást á nokkrum stöðum, en ég hef yfirleitt keypt þær í kassavís. Þær fást í Fjarðarkaupum, Manni lifandi og Yggdrasil. En hér koma nokkrir valid punktar um þessar frábæru stangir sem ég og litla 5 ára stelpan mín höfum  borðað lengi vel og þetta hefur hjálpað mér að koma til dæmis hollum fitum, spírum, grænu ofurfæði og fleira ofan í hennar litla kropp með bros á vör. Þær eru til í mörgum bragðtegundum en  mín uppáhalds er græna stöngin, bláberja og svo súkkulaði kókos stöngin sem bragðast eins og nammi.

• Snilld í veskið eða í bílinn
• Frábært fyrir krakka til að koma ofan í þau súper hollustu!
  
• frábært fyrir ófnæmisfólk
• frábært í flugið og ferðalagið
• sniðugt sem auka næring í heilsuboostið
• og margt fleira.

Organic Food bar

Lífrænu fæðustangirnar eru matur sem hentar sem millimáltíð, fyrir eða eftir íþróttir, fullkomið í göngur, sem máltíð ef þú neyðist til að sleppa úr máltíð (þá ásamt fleirri hitaeiningum?), eða sem morgunmatur fyrir þá sem kjósa létta morgunmáltíð. Að sjálfsögðu er  ekki er æskilegt að borða Organic Foodbar stangir í öll mál þó að þær séu hollar og hentugar!! Stangirnar eru mjúkar og gefa góða fyllingu í maga, og flestum finnast þær ekki bragðast eins þurrar og jafnvel súrar og aðrar fæðustangir.

Organic Foodbar stangirnar eru 100% vottuð lífræn vara – Vottun tryggir að reglum lífrænnar ræktunnar sé fylgt eftir. Lífrænar vörur eru lausar við aukaefni, genabreytingar og eiturefnanotkun hverskonar, auk þess að vera ræktaðar í sátt og samlyndi við móður jörð.

Organic Foodbar stangirnar innihalda ekki glútein, hnetur, soja, mjólkursykur eða mjólkurprótein – Þessi efni eru einir algengustu ofnæmisvaldarnir í fæðu í dag. Með því að sleppa þessum innihaldsefnum geta fleiri sem eiga við fæðuóþol/ofnæmi að stríða notið stanganna. Mikilvægt er að sneiða hjá óþols/ofnæmisvaldandi efnum til að örva ekki ofnæmiskerfið um of sem getur verið þáttur í sjálfsofnæmissjúkdómum og liðamótaverkjum. Athugið þó að fólk getur verið með óþol/ofnæmi gagnvart öðrum efnum í Organic Foodbar en glúteini, hnetum, mjólkursykri eða mjólkurpróteinum. Soja er ekki algengur ofnæmisvaldur en umdeilt er hversu hollt það sé og margir vilja sneiða hjá óspíruðum sojavörum.

“Organic Foodbar er 80% hráfæða – Stangirnar eru kaldunnar (undir 48°C) til að skemma ekki vítamín, steinefni, ensím, plöntuefni og önnur viðkvæm efni sem eru mikilvæg fyrir starfsemi líkama okkar.”

Organic Foodbar stangirnar innihalda engan viðbættan sykur – Stangirnar okkar eru sættar með agave safa sem hefur þá sérstöðu að vera með ótrúlega lágan sykurstuðul (glycemic index). Þetta hjálpar til við halda sykurstuðli Organic Foodbar lágum sem tryggir jafnan blóðsykur og þar af leiðandi jafnari orku.

Organic Foodbar er 80% basísk fæða – Flest almenn fæða í dag (og því miður margar “heilsu”næringastangir) er súr og hækkar þess vegna sýrustig líkamans sem ætti að vera á bilinu Ph7,35-7,45. Taugaboð og ensímakerfi eru mjög viðkvæm fyrir flökti á sýrustigi og þarf líkaminn að jafna út sýrustig með viðeigandi álagi og tapi á mikilvægum steinefnum (t.d. kalki úr beinum). Erfiðar æfingar stuðla að myndun mjólkursýra sem getur hækkað sýrustig líkamans en Organic Foodbar vinnur þar á móti. Stangirnar eru einnig “tannvinalegar” þar sem þær eru ekki súrar.

Organic Foodbar er orku- og próteinrík fæða – Stangirnar eru um 300 kkal hver þannig að þær eru ákjósanlegar sem snakk eða millimáltíð. Stangirnar innihelda 10-14 grömm af próteini í hverjum 100 grömmum sem er álíka og flest kjötmeti. Líkaminn þarf á orku (hitaeiningum) á að halda, galdurinn felst í að hafa eins mikið af næringu og mögulegt er í hverri hitaeiningu.

Organic Foodbar stangirnar eru pakkaðar í umbúðir sem leka ekki áli út í innihaldið – Organic Foodbar framleiðandinn pakkar þeim í umbúðir með þreföldu varnarlagi. Venjulega er þetta einfalt lag sem hefur verið gagnrýnt fyrir að menga innihaldið með þungamálmum.

Allt korn í Organic Foodbar er spírað – Spírun á korni eykur umtalsvert næringargildi kornsins og upptöku næringar, auk þess sem það þolist betur af meltingarkerfinu.

Organic Foodbar hentar mjög vel fyrir íþrótta- og göngufólk –  Stöngin er próteinrík (styður vöðvauppbyggingu og varnar vöðvaniðurbroti), inniheldur kolvetni með lágan sykurstuðul (heldur blóðsykri jöfnum og þarafleiðandi orku) og hjálpar við að lækka sýrustig eftir æfingar (mjólkursýrur hækka sýrustig). Stöngin hefur verið sérstaklega vinsæl fyrir maraþonhlaupara þar sem orka þeirra helst jöfn. Fyrir sömu ástæðu er Organic Foodbar fullkomið nesti fyrir göngufólk.

Súkkulaði Organic Foodbar er ríkt af polyphenols – Dökkt súkkulaði er ríkt af polyphenols sem eru öflugir andoxarar (með eitt hæsta Oxygen Radical Absorbance Capacity gildi í nátturinni), auk þess sem sykurstuðull dökks súkkulaðis er lágur. Rannsóknir hafa einnig sýnt fram á dökkt súkkulaði getur einnig lækkað blóðþrýsting, aukið insúlínnæmi og haft góð áhrif á ofnæmiskerfi. Súkkulaðið okkar er laust við hertar jurtafitur.

Organic Foodbar er ríkt af plöntuefnum (phytonutrients) – Rannsóknir hafa sýnt fram á heilsuáhrif plöntuefna. Plöntuefni eru öflugir andoxarar, vinna á móti krabbameinum og styðja virkni ofnæmiskerfis. Fæðustangirnar okkar innihalda að jafnaði 2000mg af plöntuefnum fyrir utan Active Greens sem inniheldur 4000mg!!!

Að mínu mati er Organic foodbar er í senn langbesta, bragðbesta og næringarríkasta næringarstöng sem til er á markaðnum að mínu mati. Nú er um að gera að prófa!

Image via Wikipedia

Image via Wikipedia

Yfirlit bloggsins árið 2010

The stats helper monkeys at WordPress.com mulled over how this blog did in 2010, and here’s a high level summary of its overall blog health:

The Blog-Health-o-Meter™ reads Wow.

Crunchy numbers

The average container ship can carry about 4,500 containers. This blog was viewed about 16,000 times in 2010. If each view were a shipping container, your blog would have filled about 4 fully loaded ships.

 

In 2010, there were 37 new posts, growing the total archive of this blog to 57 posts. There were 141 pictures uploaded, taking up a total of 20mb. That’s about 3 pictures per week.

The busiest day of the year was June 23rd with 253 views. The most popular post that day was Lífrænt íslenskt grænkál ROKKAR! .

Where did they come from?

The top referring sites in 2010 were sirry.midjan.is, facebook.com, blogg.gattin.is, twitter.com, and is.wordpress.com.

Some visitors came searching, mostly for hveitikím, eplaedik, kókosolía, grænkál, and scaly skin.

Attractions in 2010

These are the posts and pages that got the most views in 2010.

1

Lífrænt íslenskt grænkál ROKKAR! June 2010
4 comments

2

Um mig June 2010

3

Sirrý mælir með: March 2010
2 comments

4

Heilafóður 103 August 2010
7 comments

5

Lífrænn lífstíll í skrefum March 2010

 

Takk fyrir lesturinn kæru vinir 2011 verður í alla staði yndislegt heilsuár!

Lífrænar kveðjur,

Sirrý

Verksmiðjubúskapur á Íslandi

Verksmiðjubúskapur, transfitusýrur, íll meðferð dýra og vanvirðing náttúrunnar er eitthvað líðst ekki í lífrænni ræktun!

Ég fagna þessari þörfu umræðu í fréttamiðlum landsins. Í fyrsta sinn í sennilega mörg ár er fréttamiðill að beina sinni athygli á stöðu mála í hér á Íslandi. Þetta efni er búið að brenna á vörum mér í langan tíma og ég er ótrúlega glöð að það sé verið að veita þessu athygli.  Vísir tók skrefið og fjallaði fyrst um málið. Fréttin var unnin út frá lokaritgerð Árna Stefáns, sem er að ljúka við meistararitgerð sína um íslensku dýraverndarlögin, við lagadeild Háskólans í Reykjavík. Sjá fyrstu frétt hér.

Svo kom þessi sem fjallaði um að matvælastofnun tók skrefið og kærði 9 kúabú sem hleypti ekki beljunum út allt árið um kring. Næst á eftir kom frétt sem fjallaði vísir um þá sorglegu staðreynd að íslenskum kúm er ekki hleypt út í ferkskt loft og bíta gras. Frétt hér. Síðasta fréttin sem birtist í dag fjallaði svo um fjölda lífrænna kúabúa á Íslandi.

Mér finnst aðdáunarvert að miðlar séu loksins að sýna þessu athygli. Ég held að allir neytendur verði þakklátir að vita hvaða mat þeir eru að borða á disknum sínum og við hvernig aðstæður hann er framleiddur. Ég held við séum öll sammála um að við viljum borða mat sem er ræktaður á heilnæman hátt og af einhverri smá hugsjón. að mínu mati er búskapur hér á landi undir ósýnilegum verndarvæng markaðsherferðar á  íslenska lambakjötinu. Hreint, íslenskt, villt, náttúrulegt. Því miður, það er ekkert lengur hreint, villt, náttúrulegt við svína og kjúklingakjöt í dag!

Þetta er eitt af baráttumálum Samtaka lífrænna neytenda, sem ég vil endilega að þið takið þátt í og gerist meðvitaðir neytendur. Samtökin eru virkilega þörf hér á landi. Þú ert einfaldlega orðin/n meðlimur með því að bæta hópnum og/eða aðdáendasíðunni á Facebook. Þú getur leitað undir “Samtök lífrænna neytenda”.

Ég vil endilega líka koma því til skila að auðvitað er ekki hægt að alhæfa um alla bændur og ræktendur á Íslandi. Hér eru margir að gera mjög góða hluti. Margir sem neita að taka þátt í þessu, eða ég vona það að minnsta kosti. Ég væri nú alveg til í að heyra í því fólki. Kannski eru þeir fáir eða jafnvel engir? Kannski er pressan svo mikil að hafa allt sem ódýrast að þeir neyðast til að haga hlutunum svona. Kröfur um gæði er eitthvað sem hefur vikið til hliðar vegna áherslu á að hafa mat sem ódýrastan.

Ég spyr þá út í loftið “Á matur almennt að vera það ódýr, að það þurfi að bitna svona svakalega á gæðum, umhverfi og heilsu okkar” Er það sem við viljum? (ég er bara að velta þessu upp)

Ég sá tölur um daginn sem bentu til þess að í dag, árið 2010, eyðum við um 15% af laununum okkar í net og síma og um 14% í mat. Árið 1970, eyddum við um 30% í mat.

Væri ekki skynsamlegra að eyða meira í mat og fá í staðinn heilbrigðari mat, lengra og heilbrigðara líf? Ég bara spyr. Hver er þín áhersla?

Endilega eyðið næstu 4-5 mínútum í að horfa á þetta myndband um the Meatrix. Það segir allt sem segja þarf um verksmiðjubúskap

Verum meðvituð um það sem við látum ofan í okkur, það borgar sig á endanum.

Bkv. Sirrý

Skaðlegar transfitusýrur

Ég veit ekki hvort ég eigi að hrósa Jóni Bjarnasyni, landbúnaðar og sjávarútvegsráðherra fyrir þetta þarfa framtak að setja það í lög að nauðsýnlegt sé að útrýma skaðlegum transfitusýrum úr matvælum okkar, eða bara hreinlega að hrósa okkur neytendum fyrir að gera kröfur um að banna skuli transfitysýrur! Þetta er eitt af fáu sem hefur gerst hér á landi sem vissulega mun hafa mikil áhrif á okkur og er ótrúlega jákvætt!

Það sem er svo gaman að segja frá, er að lífrænar afurðir eru alltaf lausar við þessi umdeildu og oft svo skaðlegu efni sem fólk vill forðast! Aspartam, skaðlegar transfitusýrur, litarefni, rotvarnarefni, krabbameinsvaldandi aukaefni….etc.

Næst á dagskrá er klárlega að setja áherslurnar á sjálfbærni, lífræna ræktun og að efla ræktun almennt á Íslandi!

Það verður langt í það, en það gerist fyrr ef við gerum kröfur sem neytendur!

Spurðu þig að því hvernig mat þú vilt hafa á disknum þínum. Á hann að vera framleiddur og ræktaður á sem heilnæmastann hátt í sátt við náttúru, með umhyggju fyrir þinni heilsu og án þess að skaða menn né dýr, eða á hann að vera eins ódýr og hægt er, framleiddur á sem ódýrastan hátt, án þess að tekið sé tillit til manna og dýra né umhverfis?

Hefuru velt því fyrir þér hvernig kjúklingur, svín og kalkúnar eru ræktaðir á Íslandi? Það er alveg eðiliegt að þú haldir að þessi dýr séu ræktuð á góðan íslenskan máta, líkt og lambið, sem er frjálst í haga, bítur gras og fleira. Ég held ég fari ekkert of djúpt í það hérna, en þessi dýr (ekki lambið) eru öll ræktuð hér á landi í svokölluðum verksmiðjubúskap.

Andstæðan við Fast Food!

Lífrænar matur er slow food, ekki fast food! Lífrænar afurðir eru ræktaðar með mikilli hugsjón. Ég hef lengi verið að pæla í muninum á milli lífrænnar ræktunar og hefðbundinnar ræktunar, hvað þá verskmiðjubúskapar. Í raun er svarið svona:

Lífræni bóndinn er meðvitaður um skaðsemi aukaefna og mengunar sem kemur til vegna notkunar á tilbúnum áburði, skordýraeiturs og fleira. Hann er meðviaður um að í náttúrunni ríkir mikilvæg náttúruleg hringrás. Skordýr, sveppir og annað er í jarðveginum fyrir ástæðu. Hann er líka annt um að skila af sér betri jörð. Síðast en ekki síðst er honum mjög annt um heilsu þína. Og þess vegna ræktar hann afurðina sína á sem heilnæmastan hátt, í sátt við umhverfið, náttúruna og þig.

Mér finnst þessar staðreyndir svo basic. Ég hlakka til þessa dags, þegar að börn í leiksskóla fá lífrænan hafragraut, þegar að skólar bjóða upp á heilnæman skólamat, þegar við höfum áttað okkur á hversu ótrúlega kosnaðarsamt lífstíll okkar er í dag, þ.e þessi faldi kostnaður við veikindi og vanlíðan og aukið álag við heilbrigðiskerfið. Ég hlakka líka til þegar við verðum orðin álíka meðvituð um Ökologist og frændur okkar danir!

Það gerist ekki öðruvísi en með áherslubreytingum hjá stjórnvöldum og að við sem neytendur gerum kröfur!

Við erum neðst á lista í lífrænni ræktun í allri Evrópu eða með 0,3% af ræktunarlandi lífrænt. Íslendingar eru með enga áherslu né stefnu í lífrænni ræktun, virðast hafa engan áhuga á að setja það í forgang né vilja auka hana, ólíkt næstum öllum öðrum löndum í kringum okkur…sem virðast vera löngu búnir að fatta að til langs tíma litið er lífræn ræktun sú albesta fyrir land og þjóð og sérstaklega með tilliti til að fá sem mest út úr náttúrunni. Við erum svo eftirá á svo ótrúlega margan hátt að ég skammast mín stundum!

Lífrænt knús!

S.