5 lífrænar vörur

5 lífrænar vörur sem ég var að kaupa mér

1. Fyrir meltinguna og fallega heilbrigðan roða í kinnunum, þá ákvað ég að fylla ísskápinn af lífrænum Rauðrófusafa.
2. Til að bragðbæta eplaediksdrykkinn minn; þá keypti ég lífrænan Epla&engifer safa – í glerflöskunum! slurp slurp! Nenni ekki hori og veseni í vorhretinu.
3. Ég ákvað að nýta mér 25% ofurafslátt Nettó búðanna í lífrænu deildinni og fjárfesti í lífrænum grunnvörum heimilisins: M.a Lífræna Rapunzel krítarolíu, sem er svo góð að ég gæti næstum þambað hana. Hún gerir grænkálssaltið 100% bragðbetra með smá hafsalti. Afslátturinn er til 2. júní.
4. Svo keypti ég mér lífrænt prótein frá NOW. Ég er með öllum ráðum að reyna að bæta við góðu próteini við hverja máltíð dagsins. Ég geri sjeika og eggjahrærur í massavís þessa dagana. Ég er víst kolvetnisfíkill :/
5. Helgin fer svo í skúra, skrúbba, bóna heimilið. Vorhreingerning nr. 2 er um helgina og hún verður að vanda mjög umhverfisvæn. Ég valdi mér vörur frá Sonett, en þær eru svo umhverfisvænar að þú hefðir eflaust ekki meint af ef þú myndir strá þvottaduftinu út á morgunmatinn þinn. (en í fúlustu alvöru, ekki gera það sam!

Ég er búin að fylla skápinn af: þvottaduftinu, hreinsisprey sem virkar á bað, vaska og allt, ræstikrem sem ég nota á klósettið og bað. Ég elska ljúfu náttúrulegu og vægu sítruslyktina sem ilmar eftir að ég nota Sonett.

Svo er allt lífræna ÍSLENSKA grænmetið að detta í allar verslanir. Hvernig væri að fara panta sér nokkur kíló af grænkáli og henda í frystinn !!!

Knús í helgina!

Grænn lífsstíll allt árið

Er vorhreingerningin þín umhverfisvæn og skaðlaus heilsu þinni?

Grænn apríl er frábært framtak og upplagt að taka sér það til fyrirmyndar og hefja fyrstu skrefin í átt að grænni og lífrænni lífsstíl.  Ég ætla að fjalla hér aðeins um Sonett sem ég nota og elska að nota heima hjá mér. Sonett eru 100% niðurbrjótanlegar hreinlætisvörur og eru jafnframt unnar úr 100% lífrænt vottuðum jurtum og fara bæði vel með heilsuna þína og virka einstaklega vel við heimilisstörfin. Ekki nóg með að þær eru umhverfisvænar, þá innihalda Sonett eingöngu fyrsta flokks lífrænt vottuð hráefni í hreinlætisvörurnar sem valda mjög sjaldan ofnæmi. Sonett er algjörlega laus við kemískt unnin litarefni, ilmsefni, rotvarnarefni og sterk bleikiefni.

Sonett notar jafnframt lífræna ólívuolíu, repjuolíu, kókosolíu og shea smjöri úr fyrsta flokks Demeter vottaðri lífrænni ræktun sem og einnig 90% af ilmkjarnaolíunum sem þau nota í hreinlætisvörurnar. Sonett er fyrsti framleiðandi þvottaefnis sem fær ECOGARANTIE, en auk hennar hefur Sonett fengið lífræna vottun frá ECOCONTROL.

Engin kemísk ilmefni, engin rotvarnarefni, án litarefna og kemískra bindiefna, engin ensím og brotnar 100% niður í nátturnni.

En allavega, hér koma mínar yndlings vörur sem ég nota óspart á mitt heimili:

• Þvottaduft í gulu kössunum í öll mín föt og rúmfatnað. Það er upplagt að setja 1 dropa af lavender ilmkjarnaolíunni frá Now í rúmfötin. Ah, ég elska það og allt verður eitthvað svo nátúrulega frískandi. Passið vinsamlegast að setja ekki of mikið! Svo er auðvitað rúmföt úr mismunandi efni.
• Ullarsápan er víst algjör mega snilld fyrir ullarpeysurnar. Sennilega eru þið ungu skvísur ekki mikið í að þvo ullarpeysurnar, en ég á dygganaðdáendahóp af konum sem eflaust eru meira í því að þvo ullarpeysur en yngsta kynslóðin Svo ég verð að mæla með þessari sápu því að reynsluboltarnir segja að ullin verði svo  mjúk og falleg eftir þvott með henni og það sem meira er, ullin helst fallegri lengri. Þannig að, ullarpeysu – prjónakonur, þetta eru bestu kaupin fyrir ykkur!
• Handsápa Lavender & Handsápa sítrus. Ég elska þessar handsápur af svo mörgum ástæðum. M.a vegna þess að þær þurrka ekki upp hendurnar á mér og svo eru þær með svo temmilega mildum og náttturulegum ilmum. Ótrulega frískandi og maður þarf bara 1/2 dropa í hvern þvott. Yndislegt & svo eru þær líka fallegar við baðvaskinn og líka við eldhúsvaskinn.
• Ræstikremið notar hún Gíslína í Fræinu Fjarðarkaupum á baðið hjá sér og klósettið. Hún segir þetta bestu kaup í heimi og hún notar það óspart. Sem sagt, frábært á allt keramik og þvíumlíkt. Og án krabbameinsvaldandi efna!
• Baðherbergissprey er náttúrulegt spray sem er líka laust við allt krabbameinsvaldandi efni sem skaða um leið lungun á þér. Hefuru pælt í hvað gerist ef að þú tekur sopa af Ajax ? Ég elska þetta sprey því það er djúphreinsandi og ég smelli því á klósettið og allt inná baði hjá mér. Allt verður ofboðslega glansandi fínt!

Ég mæli með að þið farið í gegnum hreinlætisvörurnar heima hjá ykkur og skiptið út skaðlegu, óumhverfisvænu hreinlætisvörunum sem skaða lungu þín og heilsu. Ekki bara fyrir grænan apríl Heldur fyrir ykkar eigin heilsu og nærumhverfi.

Umhverfisvernd á ógeðslega hip og kúl máta!

Ef þú ert ekki að borða lífrænt, með umhverfisvænan innkaupapoka eða í second hand fötum, þá ertu ekki að fylgjast nógu vel með

Við á íslandi erum miklir eftirbátar nágrannaþjóða okkar í umhverfismálum. Ég veit vel að það er stundum erfitt að vera sífellt hjólandi á rokrassgatinu Íslandi og það er stundum mjög erfitt og mjög dýrt að velja umvherfisvænar vörur, en hey…maður þarf ekki að byrja stórt…og oftast, líkt og með lífrænar vörur, …þá borgar það sig til langstíma. En málið er að gerast meðvitaður einstaklingur og bera virðingu gagnvart umhverfinu sínu. Það þarf ekki að vera dýrt að velja umhverfisvænt. Ajax hreinsi brúsi kostar um og yfir 600 kr. og inniheldur ógeðsisviðbjóðslega krabbameins valdandi efni sem eru svo skaðleg umhverfinu að það þarf varla að tvítóna neitt um það. Auk þess ertu ekki að nota Ajax-ið á golfið hjá þér eða aðra hluti. Sonett alhreinsir, 1 lítri í Yggdrasil kostar 1259 kr. – og það geturu notað á öll heimsins húsgögn, golf fleti, baðkör, klósett, flísar, bletti … góð kaup ekki satt!? Það er bara þannig með t.d Sonett að þú getur notað þessar vörur á allt.

Það er svo margt sem maður getur gert til þess að gerast umhverfisvænni…

1. Notaðu umhverfisvæna poka í innkaupaferðirnar. Fyrir utan hvað það er ógeðslega töff, þá er það hrikalega gott fyrir umverfið!! Út með plast, inn með umhverfisvæna poka!
2. Keyptu umhverfisvænni hreinsivörur fyrir heimilið. Gerðu átak í að gerast meðvituð og umhverfisvæn húsmóðir. Ekki nóg með það hvað það er ógeðslega töff (mér finnst að allir ættu að fá Rokkstig fyrir svona!) þá stuðlaru að minni mengun og lengra lífi með hreinni og umhverfisvænni hreinsivörum. Margar “venjulegar” hreinsivörur innihalda svo mikil ætiefni og hreint og beint krabbameins valdandi eiturefnum að ég þarf varla að minnast á afleiðingar þess til langstíma…  Það á eftir að koma þér á óvart hversu dásamlegt það er að nota svona vörur.
3. Verslaðu íslenskt – Við viljum stuðla að íslenskri framleiðslu og með því að versla íslenskt, erum við að velja vöru sem hefur ekki mengað umhverfið jafn mikið og vara sem ferðast frá kína til hollands og frá hollandi til íslands…ullabjakk á það…
4. Fargaðu batteríum og álíka umhverfisskaðandi vörum á réttan hátt! – á hverri bensínstöð er t.d sérstakut úrgangsbali fyrir batterí. Það er ofboðslega mikilvægt að farga þessu á réttan hátt. Þetta á líka við um síma, tölvur og hvers kyns raftæki.
5. Flokkaðu ruslið þitt. Hey! það hafa flestir tíma til að gera þessa tilraun í sumarfríinu Þetta gæti orðið skemmtilegt fjölskylduverkefni sem allir gætu komið að og tilraunast með. Best er að byrja smátt og aðgreina mat frá plasti og gleri (sem er mjög verðmætt til endurvinnslu). 3 kassar ættu að duga fyrir hvern og einn flokk. Ef þú ert svo heppin að vera með garð, prufaðu þá að henda lífræna úrgangnum í sér tunnu og búðu til moltu.
6. Sendu skilaboð til þeirra (ekki með sms-i, heldur svona munnlegt skilaboð með smá fræðslu) til þeirra sem þú eyðir tímanum þínum með, um umhverfisvernd. Stuðlaðu að því að fólkið í kringum þig hugsi um afleiðingar þess að rusla umhverfið með því að henda rusli út um bílrúðuna og þess háttar ógeðisvana. Allir ættu að bera virðingu gagnvart móður jörð, það er svo einfalt og eins og góður skammtur fyrir samviskuna. Og svo barasta hafa allir gott af því að láta gott af sér leiða… sem og líka gott fordæmi fyrir yngri kynslóðir.
7. Hjólaðu í vinnuna – það er sumar og þú ættir að gefa sjálfri þér hreyfinguna og súrefnisboostið í afmælisgjöf.  Notaðu lífræn og náttúruleg hestöfl til þess að koma þér á milli staða. Fjárfestu í strætókorti ef það er of langt fyrir þig í vinnuna eða sameinist í bíla.
8. Spararðu rafmagnið! – við erum svo fjandi heppin að þurfa varla að nota ljós á sumrin til að lýsa upp húsnæðin okkar. Ekki taka rafmagninu sem sjálfsögðum hlut. Sparaði rafmagn og umleið mikilvæga náttúruauðlind. Gerum slíkt hið sama á veturnar og notum kertakjós – á ábyrgan hátt að sjálfsögðu!

Þetta ásamt svo mörgu öðru er hægt að gera…eitt skref í einu og þetta getur orðið mjög skemmtilegt verkefni.

Ert þú umhverfisvæn?

Hár, hár, hár

Kveðjið skinkuháralitinn!

Hér koma nokkrar góðar hugmyndir af flottum litatónum fyrir haustið.

Muna bara, sleppa strípum! Þær eru bannaðar í haust! Frekar að heillita og lita 2 liti til að fá náttúrulegri eðlilegri tón og eðlilegri hreyfingu í hárið. Eða velja dekkri musku brúnan lit og bíða þar til hárið lýsist aðeins eftir nokkra þvotta. Þá kemur þessi eðlilegi tónn í ljós.

Þegar ég tala um 2 liti í hár, þá er ég ekki að meina tvískipt 50/50 svart og hvítt eða röndótt hár! heldur til að fá skugga undir og ljósari tón yfir. Þetta tekst kannski best í síðu hári, Ekki í mjög stuttu hári kannski. Og munið, að lita hár er algjör efnafræði. Það þarf að vinna með litinn sem er fyrir og það er ekkert víst að hann komi eins út í þínu eigin hári. Það fer t.d eftir fyrri hárlit, hvort hárið sé OFlitað eða aflitað, fer eftir hvernig hársápu þú hefur notað of margt fleirra.

T.d hafa mörg af þessum ódýru shampoo-um út í næstu búð þannig áhrif að hárið lokast of mikið vegna einhverra ódýrra sílikona sem þeir nota í shampoo-in til að fá þennan úber ódýra glans í hárið sem fólk sér í auglýsingum. Nú er ég ekki að promota endilega nauðsýn þess að nota dýrt sjamoo í hárið – alls ekki, hér gildir reglan bara að falla ekki fyrir allra ódýrustu og aukaefnafullum hreinlætisvörum.

Dr. bronners sápur eru þær allra hreinustu

Þumalputtareglan er sú, að fara sem næst þínum eigin hárlit. Hann fer þér best, og þú virkar ekki eins gráhærð ef þú ætlar út í muskuliti, sem eru að tröllríða tískunni í dag.

Og annar punktur, ef þú ert núna með aflitað ljóst hár og vilt fara út í eðlilegri náttúrulegann brúnni tón af lit, þá er það mjög krefjandi verkefni og þarf smá tíma og smá áhættu. Best er að fara í örlítið dekkri tón af öskubrúnum, því ef hárið er mjög aflitað, þá er það svo opið fyrir litnum að það gæti orðið grænt!! Svo veljið fagaðila til að sjá um hárið ykkur og segjið honum/henni nákvæmlega hvernig þið hafið séð um ykkar hár áður en litun hefst til að fyrirbyggja að hárið þitt verði grænt eða bleikt.

Og önnur þumalputtaregla, takið áhættur! Þetta er bara hár!

P.s ég er engin sjení í hárlitun, þetta er bara svona sem ég veit af minni reynslu og hún er ekki af lakari kantinum enda móðir mín reynd hárgreiðslukona til 25 ára.

Hér koma ótrúlega fallegir litatónar:

***
Sirrý – sem hefur ekki litað á sér hárið í 2 ár í Október 2008
-þvílíkt frelsi!