Ertu í prófum eða að fara í próf…hugaðu þá að þessu:

Allir vita að prófavertíð er KILLER! – og allir vilja komast lífs af!

En hvernig á maður að gera það!?

Jú, huga að líkamanum að utan sem og innan. Ég tók saman smá lista yfir þá hluti sem mér finnst obbosslega mikilvægir þegar ég vinn sjálf undir álagi og ég vona að hann eigi eftir að nýtast ykkur sem eruð að lesa heilu doðrantana fyrir lokapróf.

Í fyrsta lagi er algjört lykilatriði að huga að stressi. Það er satt og sannað af mér og öðrum mikilvægum vísindamönnum að stress drepur. Það gerir þig ljóta, subbulega, þreytulega,gefur þér ókeypis hrukkur, minnkar allar líkur á eilífu lífi og svo er það líka vont að vera stressaður. Allur líkaminn kvartar og kveinar, bæði taugakerfið og stoðkerfið, liðir, hjarta, blóð…allt verður ógeðslega súrt og vanvirkt. OJ! En þú auðvitað ert stressaður í prófavertíð, hver er það ekki? – Svo þá er gott að velja sér allskonar stressminnkandi faktora, bæði í mat og drykk. Þá er einmitt málið að auka inntöku andoxunarefna í formi matar og drykkjar.  Þ.e ef við boostum okkur af andoxunarefnum þegar við erum að drepa okkur úr stressi, þá minnkar skaðinn sem verður af stressinu á kroppinn og við höldum heilsu á meðan við erum að lesa undir próf. Sniðugt, ekki satt!!

Sem dæmi um hrikalega miklar andoxunarefna sprengjur:

• -hveitikímsolía (það heyrist svona kabúmm, það verður svo mikil andoxunarefnasprengja!)
• - goji ber
• - Hvítt te
• - Rauðrunnate
• - allt dökkgrænt grænmeti
• - ber
• - nýkreistir safar
• - lífrænt er alltaf ríkarar af andoxunarefnum.
• -Yoga
• -Öndunaræfingar
• Gönguferðir og almenn útivera

Ok, fullt annað líka. En hver hefur tíma til að éta þetta allt í prófatörn!? Ekki ég, og örugglega ekki þú. Þess vegna er hrikalega sniðugt að eignast blandara ef þú átt ekki slíkann nú þegar. Settu risa lúku af spínati, 4 bolla ískalt vatn og nokkra klaka, bolla af berjum að eigin vali, avókadó og svo seinast út í mallið 1 dsl. ferskt Hveitikím, dass af hveitikím olíu. Hveitikíms afurðirnar eru settar seinast til að koma í veg fyrir þránunina sem á sér stað ef að þú hrærir hveitikímið endalaust. Persónulega finnst mér BEST að búa til svona ofur boost á morgnanna. Í fyrsta lagi vegna þess að ég nenni ekki að éta svona allann daginn, í öðru vegna þess að þá er ég búin að afgreiða hrikalega mikla næringu strax snemma morguns og í þriðja lagi þá bý ég líkamann vel undir massíft og krefjandi verk með þessu ofurboosti.

Vantar þig orku!? Drekktu þá te! Skammtaðu kroppinum bara 1 góðan expressó á dag. Meira magn af kaffi ættiru ekki að bjóða lifrinni, nýrunum og kerfinu þínu í heild sinni á meðan þú ert undir svona miklu álagi. Slakaðu á í ógeðis kaffiteríu kaffinu og fáðu þér frekar einn almennilegan gæða expressó bolla. Quality over quantity baby!

Skortir þig einbeitningu? Ég get ekki mælt nógu mikið með lífrænni Hörfræjarolíu. Það eru til ótal margar rannsóknir sem sýna fram á að Omega 3 eykur einbeitningu og hafa róandi áhrif á heilann og taugakerfið. Einmitt þegar þú ert stressaður er taugakerfið þitt í hrikalegri yfirvinnu. Það hafa verið gerðar ótal margar rannsóknir á börnum sem greind eru með ADHD og áhrif omega 3 á einbeitningu þeirra og margoft hefur þetta verið sýnt, meðal annars í heimildarmynd sem var sýnd á RÚV fyrir ekki svo löngu og ég man ekki hvað hét… Það má horfa á þetta sem heilafóður, heilinn er meira en helmingur fita og þarf á fitu að halda til að geta fúnkerað. Góð fita er heilafóður fyrir þig og á meðan þú þarft á heilanum að halda þarftu að fóðra hann með gæða fitu svo hann vinni fyrir þig. Hörfræjarolía er líka algjör snilld og í raun nauðsýnleg fyrir börn á öllum aldri.

Á daginn er alveg einstaklega gott að fá sér bæði Rauðrunnate og/eða hvitt te. Rauðrunnate-ið er svakalegt te! Það er bara eins og ein góð lifnaðarpilla. Það er stútfullt af andoxunarefnum, steinefnum, C-vítamíni (jú, það er andoxunarefni!) og svo er það hrikalega gott fyrir járnbirgðir líkamanns OG það sem  mér finnst mikilvægast er að það er náttúrulega vöðvaslakandi as in: ef þú ert með vöðvabólgu þá slakar það á þrútnu þreyttu vöðvunum þínum og minnkar þessar bólgur… Þú getur fengið heitt vatn á hvaða bókasafni sem er og svo taka nokkrir góðir lífrænir tepokar ekkert pláss í tölvutöskunni þinni. Hvíta te-ið gefur þér orku og svo er það líka ógeðslega gott fyrir stressið, þ.e það er stútfullt af andoxunarefnum. Frábært.

Drekktu nóg af vatni! Sorry, ég veit þú ert ekki vitlaus en ég varð að setja þetta inn, því það er ekki hægt að segja þetta of oft. Vatn er okkar lífselexír! Þú dugar styttra ef þú drekkur ekki nóg af fersku og dásamlegu vatni. Slurp, slurp…er ekki málið að fylla á vatnsbrúsann!?

Dansaðu þó þú gerir það ílla! Hverjum er ekki slétt sama þó þú gerir þig af fífli. Farðu inná klósett og losaðu stressið úr kroppinum með því að dansa, anda og losa álagið burt úr líkamanum. Vá, þetta er sennilega besta ráðið sem ég veiti hérna. Veit ekki hvort ég myndi fara eftir þessu sjálf, og þó! Amk myndi ég gera þetta heima hjá mér. Ég myndi setja uppáhalds tónlistina mína, dansa úr mér allt vit í 5 mínútur og innkalla alla heimsins orku í gegnum hjartastöðina. Og svo halda áfram að læra með bros á vör

Eftir langan og strangan dag, láttu renna í heitt baðið, settu 2 bolla af Epsom salti (fæst í Yggdrasil, Fræinu Fjarðarkaupum og Garðheimum sem dæmi). Saltið er algjör dásemd þegar maður er með þreyttan kropp. Saltið slakar á öllum líkamanum og miða við gott 20 mínútna langt bað. Saltið lætur baðið verða silkikenndara og það er alveg mergjaðslega gott fyrir þreytta og auma vöðva. Ég hef sjálf farið oft í epsom bað og fundið hrikalega góð áhrif. Það hefur minnkað verki í liðum og vöðvum og er því algjört galdratól þegar maður er í prófatörn. Epsom salt kostaði hér áður en það varð vinsælt nokkuð hundruð krónur, en núna fær maður það á um 2000 kr. 2 kg. sirka. Þetta eru kaup sem þú eiginlega sérð ekki eftir!

Slepptu sjónvarpinu! Farðu og knúsaðu börnin þín, makann þinn, vinkonur þína, mömmu þína og pabba eða bara bangsann þinn…kveiktu á kertum og farðu svo snemma að sofa. Eitt besta ráðið gæti verið það að veita líkamanum þínum og heila hvíld. Þú gætir meira segja þurft meiri svefn en venjulega, enda undir engu smá álagi. Svo ekki spara svefninn, veittu þér aðeins lengri og betri svefn. Meira segja of lítill svefn eykur stress myndun í líkamanum og ef þú ert ekki búinn að fatta það hérna eftir þenann gífurlega langa pistil þá lifiru ekki lengi á stressinu Já og ef þú hefur orkuna, stundaðu kynlíf með makanum. Það er vísindalega sannað af öllum í heiminum að það eykur magn seratóníns í líkamanum sem er gleðihormón. Það er sannað að það bætir svefn, geðheilsu, andlega líðan og gefur þér svona náttúrulegan frískleika í andlitið, fer auðvitað eftir gæðum. Ef þú ert ekki svo heppin, stundaðu þá kynlíf með sjálfri/sjálfum þér Nú er ég farin að tala eins og Sigga Dögg, svo ef þú vilt lesa meira um þetta efni…hikaðu ekki við að gefa þér smá tíma á blogginu hennar (sjá link hér til hliðar).

Knús í hús og gangi ykkur öllum vel næstu vikurnar í prófatörninni!

Kv. Sirrý í skóla lífsins.

Hvað, hvernig, afhverju?

Hvað er leyndarmálið á bak við “að eldast vel og heilbrigður”?  Ég veit það ekki, ég er bara 26 ára…en ég þykist vita það!

Ég trúi því innilega að þú ert það sem þú borðar…ég hef sannreynt það sjálf, og örugglega þú líka! En hvaða fæði er það sem hjálpar okkur mest í því að halda okkur sem unglegustum, sjúkdómslausum og sprellifandi!? Ég vil bara fá einhvað simpelt, auðvelt…tek það inn og það hefur strax áhrif. En það er svo margt í boði..og hver er ástæða fyrir því að þú ættir að taka slíkt fæði inn í mataræði þitt og halda því svo áfram svo lengi sem þú deyrð….

amma yoga

…aðal ástæðan er… því þú hefur ekki tíma til að vera óheilbrigð í háum hælum! Auk þess “it just aint cool”!

Endalausar eyðslur í óþarfa lyf, hrukkukrem, selló krem, megrunarvörum er ekki málið! Lausnin er í mat! Fyrir utan hvað það er ótrúlega skemmtilegt að “lækna, laga, breyta og bæta líkamann með mat, þá er það yfirleitt ódýrara, auðveldara, án allra aukaverkana og bragðbetra líka. Lykillinn felst í NÆRINGUNNI, ekki hitaeiningum neinu öðru megrunarrugli!

BASIC INFO 101 : Ef þú getur keypt lífrænt, gerðu það! Til hvers að borða skordýraeitur þegar þú þarft þess ekki, til hvers að borða næringarsnauðara fæði ef þú þarft þess ekki??? Sumt fæði er viðkvæmara fyrir skordýraeitri en annað “höndlar” það… ávextir með þykkum berki sem þú tekur af áður en þú borðar það…er ok að kaupa ólífrænt…en matur eins og allt rótargrænmeti er BEST lífrænt! Kjöt er BEST lífrænt… Með fullri virðingu fyrir buddunni þinni, reyndu eða amk prufaðu að kaupa smá lífrænt…þó það væru ekki nema kíló af epli í annað hvort skiptið…veittu þér það! Þú sérð ekki eftir því…þú átt það skilið! Og þau eru svo HIMNESK á bragðið og margfalt næringarríkara!

Gervisykur: Ekkert efni í sögu FDA er eins umdeilt og Aspartam = slepptu því!!  Til hvers að nenna að vera tilraunadýr og taka áhættu á sjálfri sér með því að neyta þess? Ekki nenni ég því. Þetta er taugaeitur og ekki orð um það meir! Óléttar konur ættu að forðast það eins og heitann eldinn og að sjálfsögðu börn! Gervisykur hefur verið linkaður við alvarlega sjúkdóma eins og aukna æxlamyndun og heilaskaða í fóstrum. Ég nenni engum hræðsluáróðri – hættu  bara að borða gervisykur! Diet kók, pepsí max…styttir lífið!

Hvað áttu að gera í staðinn? Það er auðvelt að velja holla og næringarríkan staðgengil sykurs eða sætuefna. Hunang er t.d sætt, stútfullt af næringu og það er mjög sýkladrepandi. Agave er hrikalega hollt og hreint sætuefni, bragðast eins og sykur, er lífrænt, án aukaefna, einfaldlega bara búið að kreista kaktusinn og úr kemur þetta dásamlega síróp. Margir sykursýkissjúklingar geta notað Agave í ákveðnu magni. Ef þú vilt minnka sykurlöngunina – fáðu þér þá einhvað súper grænt! Spirulínu, chlorellu, meira spínat…og síðast en ekki síst… þara eða söl!

Til að viðhalda unglegu útliti, að utan sem og innan, viðhalda fjölgun og lífi í heilbrigðu frumunum okkar…sporna við að við verðum grá og gömul, veik og leiðinleg…þarftu andoxunarefni. Andoxnarefni eru svo ótrúlega KÚL að þú þarft ekki að panta tíma hjá lækni né fá lyfseðil, heldur ferðu bara í næstu búð! Bæði virkar þetta á útlitið, heilsuna, líffæri, spornar við krabbameini, viðheldur allri starfsemi líkamanns og stuðlar að því að allar okkur dásamlegu frábæru og fallegu heilafrumur haldi áfram að vera hrikalega sætar og krúttlegar og sprellifandi ásamt mörgum öðrum verkunum – en engum aukaverkunum

Þú vilt fá þvílíka andoxunarefnabombu á hverjum degi! Ég meina, stundum er bara nauðsýnlegt að fá mikið af hinu góða! bæði vegna þess að líkaminn missir ótrúlegt magn af súrefni á dag vegna stress, álags, lélegrar næringar, svefnleysis og ömurlegs mataræðis og ég veit ekki hvað og hvað…og svo auk þess viljum við alltaf verða ungleg Allir ættu að taka inn slatta af andoxunarefnum. Líkaminn einfaldlega oxast svo auðveldlega, sérstaklega þegar um þessa aðal faktora er að ræða: svefnleysi, stress, hreyfingarleysi, lélegt mataræði… etc. Þegar við oxumst, verðum við veik…þess vegna þurfum við ANDoxunarefni Sjúkdómar elska þegar að líkaminn er oxaður og súrefnislaus!

Hveitikím olía fæst í YGGDRASIL

Dæmi um AndoxunarefnaBOMBU: HveitikímsOLÍA! þvílíka snilldin! Hún inniheldur stúúútfullt af E-vítamíni sem er dásamlegt andoxunarefni. Bæði er það súper gott á hrukkur, ör, húðvandamál…og að auki lagar hún líka að innan. Hún kostar um 1400 kr. í Yggdrasil, en þú þarft bara smá smakk á dag og þú færð heilann helling út úr því. Hún virkar eins og algör vítamín bomba fyrir andlitið, lagar skemmda húð eftir bólur og sár, sléttir og eykur framleiðslu nýrra húðfruma! = FOREVER YOUNG!

E- vítamín er eitt magnaðasta andoxunarefni sem til er! Ok, nú tala ég rosalega stórt…en í alvöru…það er hægt að taka inn svo mikið E-vítamín án þess að fá nokkrar aukaverkanir! AUÐVITAÐ þarftu ekki alltaf að taka mikið inn svo að það fari að virka!! NOTAÐU heilann, það er það sem gildir! Frekar að taka minna í einu og reglulega…Ég verð að skrifa það, en vinsamlegast ekki vera svo vitlaus að fara þamba flöskuna og halda að þú vaknir 5 ára á morgun. Just aint happening! Líkaminn vill fá sinn skammt á dag, t.d 1 matskeið og jafnvel aftur um kvöldið,….thats it!

Meira andoxunarefni: Fyrir utan hvað við erum heppin að lifa í þvílíkum andoxunar-allsnægtum á sumrin hérna á íslandi (bláberin, krækiberin..etc!) að þá er heill hellingur sem þú getur fengið þér til að dúndra í þig andoxunarefnum á veturnar á hrikalega auðveldann hátt. Hveitikím, berjasaft, BEE POLLEN, goji ber, lífræn sólblómafræ, spínat…of margt fleira!!

Lífrænt hvítt te

HVÍTT TE – þvílíkt gleymt leyndarmál! Allir eru svo ótrúlega uppteknir af græna te-inu, sem er alls ekki verra né síðra,…hvíta te-ið er bara margfalt megnugra! Hvíta te-ið er THE NEW GREEN TEA!! Það inniheldur amk 3x meira af andoxunarefnum en græna teið. Hafiði ekki öll heyrt að græna teið á að vera svo góð krabbameinsvörn? Það er vegna þess hversu ríkt það er af andoxunarefnum. Hvíta te-ið er margfalt öflugra! Það hefur styrkjandi áhrif á ónæmiskerfið og er einnig gífurlega hreinsandi OG það nútralæsar Sindurefni = Free radicals sem eru sindurefni sem myndast við ákveðnar aðstæður í líkamanum (t.d stress, lélegt mataræði ofl) sem promota krabbameinsmyndun.

Margir kunna að hugsa, til hvers að taka til í mataræðinu? Málið er bara, þú ert sem þú borðar. Sem þýðir líka, að þegar þú verður gömul/gamall viltu geta notað heilann á þér, notað líkamann, farið í göngutúra, farið í keilu, stundað kynlíf með maka þínum, notið þess að fara í bíó, fótboltaleiki hvað eina sem þér finnst gaman að gera. Þú átt að hugsa um líkamann þinn svona eins og hann sé banki… (ekki í núverandi kreppumeiningu!:) Í hvert sinn sem  þú borðar einhvað áttu að leggja ríflega upphæð af næringu inn á líkamann…alltaf að halda þig réttu meginn við núllið, helst alltaf í plús…Þú græðir, allir græða! Besta fjárfestingin er klárlega í heilsunni = LENGRA, HEILBRIGÐARA LÍF og það er BEST að byrja ungur að “safna” fyrir góðri heilsu í ellinni.

Hversu dásamlegt væri það ef við öll myndum vera 90 ára og fullkomlega heilbrigð? Vá ég sé bara P-A-R-T-Ý fyrir mér

Nærumst og höldum heilsunni og höldum eitt stórt RIIIISA P-A-R-T-Ý P-A-R-T-Ý P-A-R-T-Ý P-A-R-T-Ý P-A-R-T-Ý P-A-R-T-Ý eftir 40-60 ár!

Hveitikím …og þú verður ung að eilífu.

…forever young “lyfið”…!

Ertu í ræktinni, sullandi alla daga í kemískum aukaefna boostum, færð fretuna af próteinduftinu, stíflast jafnveg og ert komin með nóg af gerviefnabombunni sem þú færð þér á hverjum degi? Hveitikím er frábær lausn fyrir þig! Bæði hrikalega ódýrt, auðvelt að nálgast og þú græðir á alla vegu! Það er náttúrulegt, ekkert unnið, líkaminn nýtir það til fullnustu, þú færð ótal mörg næringar efni og fitur…og svo líður þér betur í kroppinum! Hér verður stiklað á stóru um hveitikím… sem er  algjört SUPERFOOD!

Hveitikímsofursjeik

Hvað er hveitikím?

Hveitikím er „hjarta“ hveitikjarnans, fóstur hveitifræsins, og verður oftast til sem aukaafurð við mölun hveitis. Kímið er fjarlægt úr hveitikorninu vegna þess að olíur í kíminu oxast og stytta geymsluþol hveitisins verulega. Hveitikím er einstaklega prótínríkt og inniheldur meira prótein en er að finna í flestum kjötvörum, það er því sérstaklega gott fyrir þá sem borða lítið eða ekkert af kjöti.
Magn næringarefna í hveitikíminu virðist endalaust; það inniheldur meira magn kalíums og járns en nokkur önnur fæðutegund ásamt því að innihalda mikilvægar Omega-3 fitusýrur, ríbóflavín, kalsíum, sink, magnesíum og A-, B1- og B3-vítamín í miklu magni. B1- og B3-vítamín eru mjög mikilvæg til að viðhalda jafnri orku og heilbrigði vöðva, innri líffæra, hárs og húðar.

Hveitikímið er einstaklega ríkt af E-vítamíni. E-vítamín er eitt magnaðasta fituleysanlega andoxunarefnið í líkamanum. Það er einstaklega öflugt til varnar hættulegum sindurefnum (Free radicals) sem jafnframt er öflug forvörn gegn krabbameini, það styrkir ónæmiskerfið og talið koma í veg fyrir hjartasjúkdóma. E-vítamínið er einstaklega styrkjandi fyrir húð og hár og talið hægja verulega á öldrun líkamanns ásamt því að styrkja lungu, blóð og hafa jákvæð áhrif á sjón og augu.

Fyrir hverja er Hveitikím?

Ferskt hveitikím

Fólk á öllum aldri! Hvort sem þú hefur áhuga á að bæta við hollri og næringarríkri afurð við fæðu þína, byggja upp vöðva, stuðla að betri meltingu, auka inntöku steinefna og fitusýra, í eldamennskuna eða sem fæðubót. Hveitikímið inniheldur hvorki meira né minna en 28% gæða prótein og er einstaklega trefjaríkt. Hveitikímið er frábær fæðubót fyrir ófrískar konur – bæði vegna mikils magns fólínsýru og vegna þess hversu góð áhrif það hefur á teygjanleika húðarinnar. Í hveitikíminu er meðal annars aminosýran Tryptófan sem talin er hafa róandi áhrif á heilann og því mjög gott fyrir börn sem þjást af athyglisbrest og/eða ofvirkni.

Hvernig er hægt að nota hveitikím?

• í orkuhristinginn – í stað próteins og sem fæðubót (0,5 – 1 dsl.)
• út á morgunkornið, yfir salatið eða pastað
• út í hafragrautinn
• í eggjahræruna (t.d með kanil og hunangi)
• í staðinn fyrir hveiti í hinum ýmsu uppskriftum, t.d í staðinn fyrir rasp en þá þarf að auka vökvamagnið því það dregur svo í sig vatn.

Hveitikím er hægt að kaupa bæði þurrkað og ferskt. Þurrkað hveitikím er dökkbrúnt en það ferska er ljóst og er alltaf geymt í kæli. Best er að geyma hveitikímið í kæli eftir að pokinn hefur verið opnaður til að verja það fyrir oxun. Hveitikím fæst í öllum betri heilsuverslunum og heilsuhornum landsins.

Nýtt ár – nýr kafli – nýtt líf?

2010

Jæja, fyrir löngu kominn tími á blogg. Alltaf þykir mér jafn vænt um að fá beiðnir frá ykkur um það að fara blogga aftur. Trúið mér, löngunin hefur verið til staðar en tíminn hefur verið enginn! Mér finnst tíminn minn síðan síðasti pistill endaði hafa verið eytt í hluti sem mig langaði ekki að eyða tíma mínum í. Alveg fáránlega glatað!
En ég er flutt, komin í fína íbúð í 101 og eyði núna öllum dögum mínum að vinna inn pening til að eiga fyrir leigunni. Ég hlakka til þegar ég vakna einn daginn og finnst allt þetta vesen, vinna og heilabilun vera þess virði að hafa flutt! … það kemur…vona ég!

Allavega…JANÚAR 2010 er kominn. Hvað þýðir það? Detox? megranir…hollusta…lífstílsbreytingar og allt það…jájá!
Ég vildi svo innilega að ég gæti sagt ykkur hvernig þið ættuð að hefja átök ykkar…með fullri virðingu fyrir buddunni ykkar þá ætla ég að hafa þennan áramóta/lífstíls/hollustu pistil með áherslu á … peninga!
Hvað er hægt að gera í janúar til að auka heilsuna án þess að verða gjaldþrota? Laga meltinguna, slökkva á kvefinu, jafnvel detoxa, kúka meira og betur, líða betur… etc…

Sama gamla tuggan verður ekki sögð nógu oft því svarið er Eplaedik…
1 líter af lífrænu, óunnu, ótrúlega fallegu og dásamlegu eplaediki í dökkum flöskum OG ALLT! kostar innan við 700 kr.

Með því að drekka 1 staup á dag, eða jafnvel bara 2 matskeiðar blandaðar í volgt vatn og 1 tsk. af lífrænu dásamlegu hunangi… ertu að gera eftirfarandi m.a:
- jafna sýrustig líkamanns (betri heilsa, kvefið burt, maginn góður,…betra líf!)
- taka inn ómetanlega góða og holla gerla (náttúrulegur asidófíusabommsiddí bomm)
- stuðla að miklu betri meltingu
- drepa óæskilegar bakteríur (ertu með hita? hálsbólgu…taktu þetta shit þá inn!)
- róar niður bévítans candida sveppinn sem er í algjöru rússi eftir hátíðarnar
- síþreyta = hverfur
- brjóstsviði = hverfur
- virkar guðdómlega á húðvandamál
- virkar ótrúlega vel við bólgusjúkdómum
- virkar ótrúlega vel við BJÚG því Eplaedik er náttúrulega vatnslosandi…
- hjálpar líkamanum að detoxa…því meira jafnvægi sem þú ert í …því meira getur líkaminn gert fyrir þig!
-
er algjör overall vellíðunardrykkur….!
Þó þetta væri eina skrefið sem þið mynduð taka í janúar í áttina að betra mataræði…þá væri þetta alveg heill hellingur!
Auk þess er eplaedik sennilega ódýrasta ristilskolun sem þú getur veitt þér þó víða væri leitað!

Næst nefni ég Hveitikím…

Hveitkím er algjör snilld! Það er líka ódýrt og hrikalega hollt og hrikalega gott fyrir okkur! Það sem er líka algjör snilld við hveitikímið að þú þarft ekki að hafa mikið fyrir því að taka það inn og um leið finna fyrir áhrifum þess. 500 gr. af hveitikími í Yggdrasill kostar 399 kr. – gæti verið um 450 kr. í Nettó. Það er pís of shit lítið!
Í 100 gr. færðu um 28 % hreint ótrúlega heilnæmt prótín…miklu betra en þetta kemíska sull sem fæst frá Myoplex og álíka. Þú færð ekki fretuna af því heldur!
Þú færð stútfullt af Omega 3 fitusýrum…
þú færð fullt af steinefnum…fullt af vítamínum…fullt af heilnæmri næringu….meira segja ofurnærginu!
Til að innbyrgða þetta á auðveldasta mátann má setja 1 dsl. í hollustusjeikinn….þú finnur næstum ekkert fyrir því…best er að setja 1 dsl. af hveitikíminu seinast í blenderinn og ekki blanda of lengi.
Sennilega besta próteinið sem þú getur fengið í dag…sem er multi useful!
Byggir upp vöðva…mjög trefjaríkt…mjög hollt og gott og allur líkaminn brosir!
Það má einnig setja hveitikím út á AB-mjólk eða blanda því við þegar þú bakar brauð…eða gott betur búa sér til hveitikímsklatta:

1 bolli hveitikím
dass af góðri lífrænni ólífu olíu
smá sjávarsalt
krydd að eigin vild…t.d papríkukrydd…
1 egg
steikja á pönnu og njóta… tekur 8 mín.

Hveitikím er líka mjög ódýr lausn til að hreinsa til í ristlinum og inniheldur ótrúlega magnaða andoxara (E-vítamín)

Næst verð ég að nefna … Andoxunarefni!
Til að boosta heilbrigðu frumurnar okkar, lífga sykra og súrt blóðið okkar..til að fríska okkur upp, til að yngja okkur, til að líta betur út og vera almennt hressari, ánægðari, heilbrigðari…berjast gegn free radicals..til að sporna við krabbameini, til að styrkja varnakerfi okkar…og svo óendanlega margt fleira…takið þá inn andoxunarefni, borðið meira af andoxunarefnum og lifið lengur!

Takið eftur að eftirfarandi klausa á næstum við fjöldamörg heilnæm fæðubótarefni og ofurfæðu…
eplaedik, hveitikím, goji ber. og endalaust margt fleira..allt þetta er stútfullt af frábærri næringu sem lækna og laga líkamann…

Hvar er auðveldast að fá nóg af andoxunarefni? Ég veit ekki hvort það sé til skali yfir “nægilegt magn” andoxunarefna á dag sé til! En ég veit að meira er betra en minna…því meira því betra

Goji ber eru svo ótrúlega stútfull af andoxunarefnum að á ORAC-skalanum mælast þau með 25.300 einingar, á meðan að sveskjur mælast með 5770, rúsínur 2830, bláber 2400, jarðarber 1540, spínat 1540, brokkolí 890, appelsínur 750, kiwi 602 , laukur 450 og eggaldin 390 einingar.
Mælieiningin ORAC, stendur fyrir “oxygen radical absorbance capacity” og mælir heildar andoxunarmöguleika bætiefna og annarra fæðutegunda.

Nokkur Goji á dag…kemur heilsunni í lag. Meira segja bara 6-10 stk er hæfilegur skammtur. 250 gr. af Goji berjum eru rándýr…en þau duga lengi og þú þarft ekki mikið magn af þeim til að finna fyrir áhrifum af þeim.

Síðasta og örugglega mest frábærasta og magnaðasta, auðveldasta og öruggasta leiðin til betra lífs…. Juice for life

Hvort sem þú tekur 1 dag eða 90 daga djús veislu…þá er ekkert heilsuráð sem nær mögulega að koma tánnum þar sem þetta hefur hælana!
Jú, þú getur ákveðið að hafa þetta ótrúlega flókið og jafnvel d�
�rt, en það er óþarfi!

1 kg af melónu í Bónus kostar 699 kr.
Ananas (sirka 1,1 kg) 298 kr.
10 stk lítil avocado 359 kr.

Þú ert næstum komin með heilan dag af djús fyrir minna en 1500 kr.

Það eru óteljandi benefits af því að Juice feast-a.
- þú detoxar hæfilega hratt og örugglega…
- líkaminn fær ótrúlega næringu
- þú færð ótrúlega orku
- svefnþörf minnkar
- þú færð loksins lífsmark í andlitið og hættir að vera fölur og vannærð
- þú passar í fötin þín aftur og muffin toppi hverfur…
heilsan eykst og allt í einu á líkaminn fullt af orku og tíma til að lækna sig og laga…

sem sagt þú gefur þér alveg auka 10 ár með því að gera þetta reglulega..

Og jú, þú hættir að borða þegar þér leiðist, þú færð skýrari skilaboð frá líkamanum, þú átt fullt af auka tíma því þú þarft ekki að eyða honum í eldhúsinu, þú átt enn meiri tíma því þú þarft ekki að hvíla þig á daginn eða sofa í 10 tíma….og endalaust…endalaust meira..

Hvað ætla ég að gera?

All of the above

En þú?